Filosofiija doavttir ja sámiid kultuvrra professor Veli-Pekka Lehtola lea čállán máŋggaid girjjiid sámiid ja Lappi historjjás ja kultuvrras. Lehtola lea dutkan ovdamearkka dihte sámiid eváhkkovásáhusaid, maid leat gieđahallan muđui unnán diehtogirjjálašvuođas. Dutkan- ja čállinbargguid lassin Lehtola oahpaha sámiid kultuvrra Giellagas-instituhtas Oulu universitehtas.
Lehtola lassin bálkkašumiid ožžo girječállit Paavo Castrén, Helena Honka-Hallila, Satu Itkonen ja Juha Taskinen.
Suoma diehtogirječálliid searvi jugii 8 000 euro sturrosaš bálkkašumiid dál 11. geardde.