Njuike sisdoaluide

Valdiateäʹǧǧminister Urpilainen budjeeʹttest sääʹmpäärnaid peäʹl uuʹccab ko mätteem- da kultturministeriia leäi eʹtǩǩääm

Valdiateäʹǧǧministeria ij tueʹrjjed sääʹmpäärnai ǩiõllpieʹzz tuåimid nuʹt jiânnai ko mättʼtem- da kultturministeria leäi eʹtǩǩääm. Valdiateäʹǧǧminister Jutta Urpilainen čuõppi 400 000 eeuʹr meädda sääʹmǩiõll- da kultturtuåimin.

Govva: Yle Sápmi

Mättʼtem- da kultturministeria leäi eʹtǩǩääm valdia puõʹtti eeʹjj budjetta, što valdia juâǥči 700 000 eeuʹr säʹmmlai kulttur- da ǩiõllpieʹsstuåimid.

Valdiateäʹǧǧminister Jutta Urpilainen kuuitâǥ čuõppi eʹtǩǩõõzzâst pâʹjjel peäʹl meädda. Loopplaž teäʹǧǧmieʹrr vuäitt võl mottjed, ko halltõs ǩiõttʼtââll budjeʹtteʹtǩǩõõzz

Parlamentneeǩ Lohela lij peʹcclõõvvâm sääʹmǩiõl puõʹttiääiʹjest

Parlameʹnttneǩ Maria Lohela Vuâđđläʹddla paaʹrtjest lij peʹcclõõvvâm valdiateäʹǧǧministeria täällarvvlõseʹtǩǩõõzz vaikktõõzzin sääʹmǩiõl jieʹllemviõǥǥlažvuõʹtte Lääʹddjânnmest.

- Valdiateäʹǧǧministeriia eʹtǩǩõs lij risttreeidast Jyrki Katainen halltõõzz prograammin, koon täävtõssân lij viikkâd čõõđ sääʹmǩiõl jeälltemprograamm tuåimid da staanâd tõn resuursid koid taarbšet, Lohela särnn.

Maria Lohela mieʹldd ââʹn leʹčči äiʹǧǧ saǥǥstõõllâd sääʹm ǩiõllpieʹzztuåimid ooudâsviikkmõõžžâst, teʹl loopplaž teäʹǧǧmieʹrr mieʹrreem halltõõzz budjettsmiõttââm mâŋŋa. Ǩiõllpieʹsstuåim vääžnaivuõtt pâjjan tõnt, ko sääʹmǩiõl puõʹttiääiʹj vueiʹtet staanâd pâi seeʹrdeeʹl ǩiõl ođđ puõlvvõõǥǥid.

Lappi Kõõskõspaaʹrti nuõr lie še välddam peäʹll valdiateäʹǧǧministeria tuåimid

Lappi kõõskõspaarʹti nuõrr lie še maantõõttâm valdiateäʹǧǧministeriia eʹtǩǩõʹšše čuõppâd sääʹmǩiõllpieʹzzi teäggtõõzz. Čuõppmõš leʹčči kõõskõs Paaʹrti mieʹldd täärmtõõvvat tääkklumuš sääʹmǩiõlid jeällʼtumuʹšše.

Lappi kõõskõspaaʹrti saaǥǥtuõʹllʼjeei Teppo Säkkinen särnn, što ǩiõllpieʹsstuåimm lij peälštam vaarvuâlaž aanrõšǩiõll. Še nuõʹrtsääʹmǩiõll lij vaarâst läppjed.

- Sääʹm ǩiõlljeällteeʹji kõrr ǩiõlltueʹjj taarbaš še valdia tuärjjõõzz. Sääʹmjânnam parlameʹnttneeʹǩǩ feʹrttje pâʹjjel paaʹrtiraaji cõggâd valdiateäʹǧǧministeria eʹtǩǩõõzz da peälšted sääʹmkulttuur, auʹǯǯai Säkkinen.

Ođđasamosat: paketissa on 10 artikkelia