Yle Sámi Radio jearahallá buot Sámedikki sátnejođiheaddjievttohasaid radios dán vahkus.
Jearahallamat gullojit dán vahku gaskavahkku-, duorastat- ja bearjadatveaigin diibmu 16.00–17.00.
Buot guhtta evttohasa besset diibmobeali jearahallamiin muitalit makkár prográmmain sii vulget sátnejođiheaddjigilvui ja mo sii áiggošedje Sámedikki jođihit. Jearahallin lea Yle Sámi hoavda Pirita Näkkäläjärvi.
Yle Sámi Radio sáhttá guldalit FM-kanálas Davvi-Suomas dahje interneahta bokte miehtá máilmmi.
Sámedikki ságadoalli válljen radios
Yle Sámi Radio čuovvu maid Sámedikki ortniiduvvančoahkkima maŋŋebárgga 23.2.16 radios, tv:s ja interneahtas.
Mii sáddet njuolggosáddaga Sajosis diibmu 10 rájes ja sáddet nu guhkká, ahte Sámedikki stivra lea válljejuvvon.
Yle Areena: Sámedikki presideantakandidáhtaid 2016–2019 jearahallamat radios