Njuike sisdoaluide

Tiina Sanila-Aikio väljejui juátkiđ Sämitige saavâjođetteijen

Sanila Aikio uážui 12 jiennâd. Sämitige jesâneh jienâstii Tiina Sanila-Aikio, Anu Avaskari, Pentti Pieski já Tuomas Aslak Juuso kooskâst

Govva: Pirita Näkkäläjärvi / Yle

Tiina Sanila-Aikio väljejui juátkiđ Sämitige saavâjođetteijen 12 jienáin.

Sämitige vuosmuu olesčuákkimist vittâ Sämitige jeessân lijjii mieldi saavâjođetteijee kištoost.

Anne Nuorgam iävtuttij Tiina Sanila-Aikio saavâjođetteijen. Neeta Jääskö tuárjui taam iävtuttâs.

Pigga Keskitalo iävtuttij Anu Avaskari saavâjođetteijen. Tanja Sanila tuárjui taam iävtuttâs.

Nilla Tapiola iävtuttij Pentti Pieski, Tuomas Aslak Juuso já Veikko Feodoroff saavâjođetteijen. Veikko Feorofoff kijtij torjust, mutâ luovâi kištoost.

Aalgâst jienâstii Tiina Sanila-Aikio, Anu Avaskari, Pentti Pieski já Tuomas Aslak Juuso kooskâst tienuuvt, ete jis kihheen ij uážu eenâb ko pele jienâin, šaddeh lasejienâstmeh.

Sámediggi presideantaválga 23.2.2016, jietnamearit Govva: Yle

Sanila-Aikio uážui 12 jiennâd 21 jienâst, já nuuvt sun väljejui njuolgist saavâjođetteijen. Avaskari uážuii 4 jienâ, Juuso 3 jienâ já Pieski 2 jienâ.

Čuávuvâžžân väljejeh saavâjođetteijeid.

Ođđasamosat: paketissa on 10 artikkelia