Vuohču Sámiid searvi válljii ođđa stivrra ikte sotnabeaivve Vuohču skuvllas dollojuvvon jahkečoahkkimisttis.
Searvvi ságadoallin joatká Anu Magga, gii lea jođihan searvvi ovddit guokte jagi. Várreságadoallin válljejuvvui Unna-Maari Pulska ja čállin Eeva-Mari Äärelä.
Stivralahttun válljejuvvojedje Antti Äärelä, Mika Keskitalo, Juha-Petteri Alakorva, Elli-Marja Hetta ja Jarmo Magga, várrelahtut leat Anni-Saara Aikio, Pekka Aikio, Tiina Aikio ja Anu Virtanen.
Vuohču Sámiid searvi lea vuođđuduvvon jagi 1971. Searvvi ulbmilin lea doarjut ja ovddidit sámegiela ja -kultuvrra Soađegili Vuohču guovllus.