Njuike sisdoaluide

Vuođđoláhkaváljagotti gullamat sámediggelágas álget – riikkabeivviid njuolggosáddagis diibmu 8 rájes váljagoddi gullá earret eará Sámedikki

Dán gullamii váljagoddi lea bovden riekteministeriija, sámiid álbmotválljen orgánaid ja guovtti searvvi ovddasteaddjiid.

Vuođđoláhkaváljagotti gullamat joatkašuvvet gitta guovvamánnui. Yle Sámi doaimmaheaddji Linda Tammela muitala, mo vuođđoláhkaváljagotti gullamat ovdánit.
Jouni Aikio

Gaskavahku iđđes ođđajagimánu 25. beaivve čoahkkana Suoma riikkabeivviid vuođđoláhkaváljagoddi gullandilálašvuhtii. Dohko leat bovdejuvvon riekteministeriija, Sámediggi, Saa'mi siidsååbbar, Suomen alkuperäisten saamelaisten yhteistyöjärjestö ry ja Anarâšah rs.

Dán gullama dahká erenoamažin dat ahte dát lea rabas gullandilálašvuohta, dakkár man álbmot beassá čuovvut neahttasáddaga bokte (siirryt toiseen palveluun).

Vuođđoláhkaváljagoddi lea juo árat bivdán áššedovdicealkámušaid maid sisdoalu dat almmuha váljagotti neahttasiidduin dán gaskavahku dilálašvuohta loahpas.

Váljagoddi ordne vel dán maŋŋá golbma eará gullama čoahkkimiiddis oktavuođas. Dain váljagoddi gullá earret earáid sámeguovllu gielddaid, sámeservviid, olmmošriekteorganisašuvnnaid ja riektedutkiid. Dat eai leat almmolaččat gullamis.

Sámediggeláhkaevttohus galgá leat válmmaš riikabeivviid váljagottiin maŋimustá guovvamánu 20. beaivve. Jus láhka galggaš gieđahallojuvvot riikkabeivviin vel dán válgaáigodagas, de dat ferte leat riikabeivviid dievasčoahkkima áššelisttus maŋemustá njukčamánu 3. beaivve.

Ođđasamosat: paketissa on 10 artikkelia