Suoma guovddášbellodat ovttastii fámuidis opposišuvdnabellodagaiguin, olgešbellodat kokoomusain ja vuođđosuopmelaččaiguin go riikkabeivviid bargoeallin- ja dásseárvoválljagoddi celkkii sámediggelágas.
Válljagotti ságadoalli, gurutlihtu Aino-Kaisa Pekonen lohká, ahte dát cealkámuš ii leat seamma linjás ráđđehusa evttohusain ja eará ráđđehusbellodagat guđđege sierraoaivila cealkámuššii.
Pekonen muitala, ahte sierraoaivilvuohta bargoeallin- ja dásseárvoválljagottis guoská Sámedikki válgalogahallamii merkema.
Válljagoddi attii cealkámuša vuođđoláhkaválljagoddái, mii gárve láhkaevttohusas guorahallama. Riikkabeaivvit jienastit láhkaevttohusas dán guorahallama vuođul.
Vuođđoláhkaválljagoddi galggašii gárvet guorahallama guovtti vahkus, vai riikkabeaivvit sáhttet dan gieđahallat vel dán válgabajis.