Njuike sisdoaluide

Vuođđoláhkaváljagoddi evttoha nuppástusaid sámediggeláhkii – Sámedikki stivra čoahkkana duorastaga gieđahallat daid

Vuođđoláhkaváljagoddi gieđahallá Sámedikki vástaga nuppástusevttohusaide bearjadaga.

Perustustuslakivaliokunnan ovi eduskunnassa 18. lokakuuta.
Vuođđoláhkaváljagoddi lea bivdán Sámedikkis čálalaš vástádusa dihto gažaldagaide. Govva: Silja Viitala / Yle
Jouni Aikio

Ráđđehusa evttohus sámediggelága ođasmahttimis lea ain riikkabeivviid vuođđoláhkaváljagottis. Váljagoddi lea duorastaga bivdán Sámedikkis oaivila dahje vástaga muhtin bellodagaid buktán láhkanuppástusárvalusaide.

Sámedikki stivra čoahkkana otne duorastaga hábmet vástaga nuppástusevttohusaide.

Váljagoddi ságajođiheaddji Johanna Ojala-Niemelä (sd) muitala, ahte váljagoddi gieđahallagoahtá vástaga bearjadaga guovvamánu 24. beaivve diibmu 8 rájes. Riikkabeivviin lea dievasčoahkkin diibmu 13.

Vuođđoláhkaváljagoddi bivdán Sámedikkis čálalaš vástádusa dihto gažaldagaide

Riikkabeivviid vuođđoláhkaváljagoddi lea sámediggeláhkaevttohusa gieđahaladettiin gullan Sámedikki ja riekteministeriija ovddasteaddjiid odne duorastagage.

Sámedikki ságadoalli Tuomas Aslak Juuso muitala, ahte Sámedikki stivra vástida buot gažaldagaide, maid váljagoddi dáhttu dárkkistit.

Ságadoalli Juuso lohká gudnejahttit váljagotti njuolggadusaid ja sávaldaga nu, ahte ii muital gaskan áššegieđahallama dárkilit, makkár áššiid váljagotti gažaldagat dál gusket.

Sámedikki ságadoalli Tuomas Aslak Juuso muitala, ahte Sámedikki stivra vástida buot gažaldagaide, maid váljagoddi dáhttu dárkkistit.

Divvojuvvon diehtu 24.2.2023 diibmu: 08.33: Riikkabeivviin lea dievasčoahkkin diibmu 13.00. Ovdal muitaleimme, ahte váljagottis lea vel čoahkkin diibmu 13.00.

Ođđasamosat: paketissa on 10 artikkelia

Musihkka

Sámemusihkkár guovttos loaiddasteigga fitnodatmáilmmi njunnošiidda kultuvrralaš suvdilisvuođa nammii

Ingá Máret Gaup Juuso ja Mihkku Laiti lávkiiga lávddi ala Nordic Business Forum dáhpáhusas Helssegis dán vahkus.

Turisma

Anárii plánejit olles fártta lasi ođđa hoteallaid, vaikko huksen ii leamaš goassige ovdal nu divrras go dál

Ođđasamos hoteallafidnu leat plánemin Anára girkosiidii Juvdujohgáddái. Guovllus lea juo lávva ja dohko lea huksenriekti oktiibuot 7 700 njealjehasa sturrosaš hotealla huksemii.

Guolástus

Guolástanárbevieru boahtteáigi ságastahttá: ”Dearvvas buresveadji olmmoš eallá ovttas dearvvas buresveadji guliin, luosain ja bohccuin”

Guolástanárbevieruid rievdan váikkuha njuolga maid sápmelaččaid buresveadjimii, oaivvilda Sámi psykososiálalaš doarjjaguovddáža Uvjja hoavda Heidi Eriksen.

.
.