Njuike sisdoaluide
Musihkka

UMK sáddejuvvo odne ja Suoma Eurovision-ovddasteaddji válljejuvvo – ná čuovut sámegielat sáddaga ja oassálasttát chattii

UMK23 láidestuvvo odne anáraš- ja davvisámegillii Yle Areenas diibmu 21.00. Finála sáhttá geahččat miehtá máilmmi.

Jagi 2023 Suoma Eurovision-ovddasteaddji válljejuvvo njuolggosáddagis UMK-finálas 25.2. dii. 21. Davvisámegillii prográmma láidesta Linda Tammela ja anárašgillii Heli Huovinen.
Maiju Saijets

Suomas válljejuvvo odne lávvardaga Eurovision-ovddasteaddji, go UMK23-finála sáddejuvvo eahkes.

Sátta láidestuvvo juo nuppádassii sámegillii. Láidesteaddjin leaba anárašgillii Heli Huovinen ja davvisámegillii Linda Tammela. Dál lea vejolaš maiddái oassálastit sámegielat chat-neahttaságastallamii, mas chatságastallin lea doaimmaheaddji Xia Torikka.

Finála sáhttá geahččat njuolggosáttan diibmu 21 rájes sámegielat láidestemiiguin Yle Areena bokte. Sátta oidno miehtá máilmmi. Seamma sajis gávdno maiddái chat.

Suoma Eurovision-ovddasteaddji sajis UMK:s gilvalit dán jagi Robin, Lxandra, KUUMAA, Portion Boys, Käärijä, Keira ja Benjamin.

Finála maŋŋá diehtit, gii ovddasta Suoma miessemánus Englándda Liverpoolas Eurovision-gilvvuin. Árbevirolaččat gilvvut leat ordnejuvvon ovddit jagi vuoiti ruovtturiikkas, muhto soađi dihte daid ii leat vejolaš ordnet Ukrainas, mii vuittii gilvvu diibmá.

UMK lea dán jagi vel eanet girjái go ovdal. Suomagiela ja anáraš- ja davvisámegielaid lassin UMK láidestuvvo vuosttaš háve maid ukrainagillii ja seavagillii. Dasa lassin sáddaga sáhttá čuovvut ruoŧagillii, eaŋgalasgillii ja ruoššagillii.

Ođđasamosat: paketissa on 10 artikkelia

SápmiMánát ja nuorat

Rosttovkaʹlndara vuosttas luŋka rahpasii – Jietnajuovlakaleandaris Unna Junná geahččala čohkket stállui ráiddu

Unna Junná rosttovkaʹlndaris rahpasa ođđa luŋka juohke iđit Yle Areenas gitta juovllaid rádjai.

Gielddat

Utsjoella vaihtui jälleen kunnanjohtaja – uusi kunnanjohtaja Päivi Kontio tuntee kunnantalon käytävät hyvin

Utsjoen kunnanvaltuusto valitsi uudeksi kunnanjohtajaksi hallintotieteiden maisteri Päivi Kontion. Edeltävä kunnanjohtaja Taina Pieski oli virassa puolitoista vuotta.

SápmiGielddat

Päivi Kontio jođihišgoahtá Ohcejoga gieldda, gos gielddahoavda molsašuvvá dál juo nuppes oanehis áiggi siste

Ohcejoga váldostivra válljii gaskavahku ođđa gielddahoavdan hálddahusdiehtagiid magisttar Päivi Kontio.

.
.