Yle Sápmi dáhttui Suoma Eurovišuvdna-láidesteaddji Mikko Silvennoinen guldalit dán jagáš Sámi Grand Prix -gilvvu lávlunoasi bihtáid.
Silvennoinen lea láidestan suomagillii Eurovišuvnnaid jagi 2016 rájes ja doaibmá kommentáhtorin maid Ođđa musihka gilvu -prográmmas, mas válljejuvvo jahkásaččat Suoma ovddasteaddji Eurovišuvnnaide.
Silvennoinen guldalii SGP dán jagáš bihtáid, mat leat čiežas. Son liikui šuoŋaide ja árvalii, ahte muhtimat sáhtášedje heivet juobe stuorra Eurovišuvdna-lávddi ala.
Videos oainnát ja gulat, mo Silvennoinen reagere, go áibbas vuosttaš geardde guldala bihtáid.
Sámi Grand Prix 2023 lágiduvvo beassášlávvardaga cuoŋománu 8. beaivve Guovdageainnus. Suoma bealde sáddaga sáhttá čuovvut Yle Areenas diibmu 20.50 ovddos guvlui Suoma áiggi, nappo 19.50 Norgga áiggi. Dáhpáhus sáddejuvvo maid njuolggosáttan Norggas NRK 1 -kanálas.