Hyppää pääsisältöön

Yle ehtalaš ráva

Dohkkehuvvon stivrras 17.12.2015

Dát ráva guoská buot Yle bargiid sin barggus dahje bargogaskavuođa hámis fuolakeahttá. Ráva guoská maid freelance-bargiid ja ovttasbargoguimmiid. Mii čuovvut prográmmadoaimmas, sisdoallobuvttadeamis ja almmustahttindoaimmas buriid journalisttalaš vieruid, mat leat meroštallojuvvon Journalistta rávvagiin ja Yle Prográmmadoaimma sisdoaluid ehtalaš rávvagiin.

Yle ja dan bargiid doaimma stivrejit árvvut – luohtehahttivuohta, sorjjasmeahttunvuohta ja olbmuid árvvus atnin. Árvvut leat dat vuođđu, masa Yle bargit ja Yle fitnodahkan čatnasit buot doaimmain. Ehtalaš ráva konkretisere daid prinsihpaid, maiguin mii juksat ja seailluhit luohtehahttivuođa, sorjjasmeahttunvuođa ja doaibmat nu, ahte atnit árvvus olbmo.

Yle servodagas

  • Mii gudnejahttit olmmošvuoigatvuođaid.
  • Mii ovddidit sátnefriijavuođa.
  • Mii doaibmat vuoiggalaččat ja dásseveardásaččat.

Journalistta rávvagat (suomagillii)
Yle prográmmadoaimma ja sisdoaluid ehtalaš rávvagat - OTS (suomagillii)
Linjen sosiála medias doaibmamii (suomagillii)
Mánát ja nuorat Yles (suomagillii)

Yle fitnodahkan

  • Mii čuovvut fitnodatoktilaš linjemiid, min doaibmaprinsihpaideamet ja min rávvagiiddámet sihke vásttolašvuođa ovdamearkka dihte ekonomiijahálddahusas, siskkáldas gohcimis, dihtordorvvolašvuođas ja informašuvdnasuojis.
  • Mii ávžžuhit bargiid almmuhit buot boasttuvuođain, gohcima ja rehketdoalu váilliin ja vejolaš váttisvuođain dego eahpádusain, mat gusket skeaŋkuma, behttosa dahje suoládeami.
  • Mii ovddidit doaimmaineamet bistevaš ovdáneami.
  • Mii čuovvut buori hálddahusa prinsihpaid.
  • Mii eat dohkket skeaŋkuma.

Yle ovddasvástádus bargoaddin

  • Mii rekryteret, fállát ovdánanvejolašvuođaid ja bálkkašit buot bargiideamet bargama ja máhttima vuođul beroškeahttá sin agis, sohkabealis, seksuála orientašuvnnas, nális, oskkus, riikkavulošvuođas, etnihkalaš duogážis dahje eará dakkáraččas.
  • Mii atnit árvvus min bargiideamet ja bidjat návccaid buori bargokultuvrra ovddideapmái. Eat dohkket vealaheami, doarrádallama dahje givssideami. Mii fuolahit min bargiid dearvvaslaš ja dorvvolaš bargodiliin.
  • Mii čuovvut bargoeaktošiehtadusaid ja bargoláhkamearrádusaid.

Yle bargi ovddasvástádus

  • Mii gulahallat rehálaččat ja rahpasit. Mii muitit, ahte bargoaddi ovddasteaddjin min doaimmain lea váikkuhus dasa, mo min bargoaddi beaggá. Dego earáge bargosajiin ja fitnodatservviin, bargosaji siskkáldas dieđut dollojuvvojit siskkáldassan.
  • Go mii geavahit riikkavulošvuoigatvuohtamet dego sátnefriijavuođa ja searvanvuoigatvuođa, de smiehttat ovddalgihtii mo doaibma váikkuha Yle beaggimii.
  • Mii atnit ávvira Yleisradio ávnnaslaš ja immateriála opmodagas.
  • Mii eat atte, eatge váldde vuostái skeaŋkkaid, mávssuid dahje eará ovdduid, mat sáhttet váikkuhit skeaŋkka oažžu mearrádusaide. Bargiid vuostáiváldin skeaŋkkain leat dohkkehuvvon dušše govttolaš fálaldagat ja árvvasvuohta nu, ahte dat eai bija vára vuollái Yle luohtehahttivuođa ja sorjjasmeahttunvuođa.
  • Mii eat geavat dieđuid, maid mii leat ožžon barggusteamet dahje bargoaddi opmodaga iežamet priváhta ovdduid háhpohallamii. Mii eat oidde iežamet dahje lagamužžamet fitnodagaid go bargat Yleisradio namas. Juos ovdu dahje soahpamuš guoská dahje sáhttá guoskat min lagamužžamet, de mii sirdit ášši dikšuma gean nu eará Yle bargi háldui.

Ovttasbargu ja ovttasbargoguoimmit

  • Mii doaibmat rehálaččat ja rahpasit. Bargat ovttas dušše dakkár ovttasbargoguimmiiguin, geat doibmet ehtalaččat. Gilvvohallat álot vuoiggalaččat ja ámmátlaččat ja meannudit ovttasbargoguimmiiguin ovttaveardásaččat.
  • Mii gudnejahttit earáid immateriálarivttiid ja vuordit, ahte earát gudnejahttet min rivttiid. Eat muital fitnodatsuollemasvuođaid dahje eará luohttámušlaš dieđuid olggobeale olbmuide. Mii suodjalit suollemas fitnodatdoaibmandieđuid, teknologiija ja sisdoalu.
  • Mii čuovvut gilvvohallanlágaid ja eará gilvvohallannjuolggadusaid buot doaimmaineamet. Oastinmearrádusaid vuođđun leat objektiivvalaš kriterat, dego haddi, kvalitehta, doaibmanávccat ja vásttolašvuohta.
  • Min ovttasbargoguoimmit dahje priváhta olbmot eai oaččo addit min beales skeaŋkkaid, ja buot min beales máksojuvvon mávssuid galgá merket áššáigullevaččat min rehketdollui.

Ehtalaš rávvagiid čuovvun

  • Yle ja Yle bargit čatnasit čuovvut Yle doibmii laktáseaddji lágaid, eiseváldenjuolggadusaid ja mearrádusaid beaivválaš barggus ja buot doaimmain. Min eaktun leat, ahte maid ovttasbargoguoimmit čuvvot ehtalaš njuolggadusaideamet.
  • Jus rávvaga olis leat eahpečielggasvuođat, de bargi galgá gulahallat vuosttažettiin hoavddainis. Ehtalaš rávvagiid rihkkumis sáhttá čuovvut ráŋggáštus, mii vearrámus dáhpáhusas lea bargogaskavuođa heaittiheapmi.
  • Bivdit bargiid ja ovttasbargoguimmiid almmuhit dakkár doaimmain, mat leat ehtalaš rávvagiid dahje eará doaibmaprinsihpaid dahje lágaid vuostá. Eat dohkket makkárge vuostedoaimmaid daid olbmuid vuostá, geat leat buori jáhkus dahkan almmuhusaid.
  • Yleisradio jođiheddjiin lea ovddasvástádus das, ahte bargit dihtet dáid rávvagiin ja čuvvot daid ovttas eará Yleisradioi guoski doaibmaprinsihpaiguin ja rávvagiiguin. Stivra dohkkeha rávvagiid. Jođihanjoavku sáhttá dahkat rávvagiidda čállinteknihkalaš divvumii.
  • Rávvaga sáhttá lohkat suoma-, ruoŧa-, eaŋgals- ja davvisámegillii fitnodaga siskkáldas gulahallama neahttasiiddus.

Lue myös - yle.fi:stä poimittua