Vuorkáságain oahpásmuvvat ovtta albmáin guhte lea ohcan golli gieđaiguin goaivvu Leammi álbmotmeahcis Suohpášávžžis.
Dát almmái lea Jompá-Niillas Ánde, Antti Jomppanen. Son riegádii 6.1.1921 ja jámii 21.2.1999. (Gáldu: Esko Jomppanen - Jomppasen porosuku ja sen yhteydet muihin porosukuihin Suomessa ja Norjassa)
Vuosttas bihtá lea báddejuvvon suoidnemánus 1981 Leammi Njurgoluovttas. Dalle lei galbma geassi ja mátkálaččat Leammisge fitne dan gease uhcán.
Nuppi bihtás geassit 1988 Sámi radio reporter Jávrri-Juhán Niillas, Niilo Aikio manná Jompá-Niillas Ándde lusa Suohpašávžái.
Ájagáttis lea sáhka dárkilabbot goaivumis ja dain luondduattáldagain maid eatnamis sáhttá gávdnat.
Álggus vuos máhccat geassái 1981, doaimmaheaddjin Leammis lea Hilbos-Jovnna, Jouni Ilmari Jomppanen.