Päärtihlâš Mari Aikio lâi käävci-ihásâš ko eelij vuosmuu keerdi Aanaar markkânist. Talle juttii purjâskárbáin. Mii lii eerhim? Máárjá vuosmuš päikki lâi Varaginjaargâst, Aanaarjäävri riddoost uccâ tuuváást.
Máárjá peesâi sii táálu pijgáin, Aila Vááboin, vyelgiđ vuosmuu keerdi markkânân. Vuolgâ lai ehidist já iho vuoššii käähvi já Máárjá uážui kyehti koopâ käähvi já tast sun lâi mielâmield. Iđedist lijjii markkânist. Ellii kirhoost já ehidist ko uáđđáátškuottii, te ohtâ kandâ, Miko Aapo -rokke, aalgij hiäibuttiđ pijgá, te Máárjá čiäruškuođij, et suu skippáár áigu tuálvuđ. Iđedist lâi sust jo ahheev pááikán. Mááccuh lâi paajâlist já ullosuháh lijjii veik keesi lâi já pikkâ čässiheh lijjii jyelgist.
Máárjá lâi kuulmâlovihásâš ko vuosmuu keerdi kuárui sovskammuid, ovdil sun ij ostâm, lijjii kuusah, muorâpargoh já šiljohomáh. Enni ko jaamij te tom maŋa sun kuáruškuođij sovskammuid já meid kamâspiddoid. Máárjá muštâl meid maggaar kietkâm lâi.
Máárjá lii ráhtám purrâmuš erhimáin. Eerhim paasij meddâl ko vispâl poođij. Sun muštá meid maht peesi kevttii purrâmuššân já magarijd piergâsijd kevttii pecipurrâmuš rähtimist. Peeci kevttii jáávui saajeest já taat lâi njäälgis já tiervâslâš. Peesi joskii purâmist ko algii jáávuid uážžuđ. Pecikässi já pessnâr kevttii lekittâssân.
Máárjá vuosmuš päikki lâi Aanaarjäävri riddoost uccâ tuuváást. Keessiv vuoššii já possii leeibijd olgon, tälviv tuuveest täähist. Pikkâšeh lijjii čuovvân. Reisvuonâst, Taažâst, ellii käävpist. Máárjá pääihist lâi kuávlu vuosmuš kuárrummaašin. Tovle purrii ubâ poccuu, čuávji-uv. liteh iä lam ennuv, pääđist vuoššii. Sältti lâi.
