Uulá lai käävci ihásâš, ko suu siäsá fillij suu Päärtih Ojalan piämmukandân, reŋgân. Pärttihist sarnuu anarâškielâ já Uulá maatij tuše tavesämikielâ, ige iberdâm aalgâst maiden maid ulmuuh sarnuu.
Ojalast sun lâi riges táálu reŋgân, mon piijgáin naajâi talle maŋeláá já uážui eennâm skeŋkkân, kuus raahtij vistig kuáđi já talle maŋeláá táálu, kost aasâi loppâelimist. Uulá eelij paijeel 90 -ihásâžžân Puolžânjaargâst. Anja Saijets eelij suu sahhiittâlmin keessiv 1992.
Olli Saijets muštâl tom ääigist ko sun varrij Puolžânjaargân já maht tobbeen kuálástij já kyeleh lijjii nuuvt ennuv, et ohtii-uv suái Post-Mattijn kuálástáin kárbá tievâ ráávduid. Talle liččii lam kyeleh, mut iä lam viermih, iäge kuolijd uástám. Anja Saijets eelij suu sahhiittâlmin ive 1985.
Ovdil soođij Olli Saijets jođettij poostâ Čevetjäävri kuávlun. Sun lâi 18-ihásâš ko vuosmuu keerdi eelij postâmääđhi. Sun jođettij poostâ Čevetjäävri kuávlun. Ij máttám čäälliđ ige luuhâđ, mut postâpargoost oopâi taid tááiđuid. Nuorâbin Olli lai puásuireŋgân. Sun lâi 13- ihásâš ko pieijii suu vuosmuu keerdi miäcán, lijjii puolâšeh já sun fillij, et kolmui, te iä pieijâm innig tom maŋa. 16-ihásâžžân sun talle kaartâi olmânáál puásuihommáid. Lahja Paltto eelij Olli sahhiittâlmin kiđđuv 1985.
