Laiđiittâs Yle teknologiavision
Teknologiavisio ulmen lii adeliđ sunde Yle teknologiaovdánmân. Teknologiavisio jođálmit liävtu ovdánmist já puáttee ibbeerdmist. Visio vuolgâsaijeen lii ibárdâs nubástusâin, moh tábáhtuveh Yle toimâpirrâsist já moh láá tutkum Ylest.
Teknologiavisio viggá eromâšávt tarkkuđ aašijd, moi merhâšume Ylest šadda konkreetlâžân čuávuváá 3-5 ive keččin, Visiopargoost váldojeh huámmášumán meid ääših, moh šaddeh konkreetlâžžân suulân 5-10 ive keččin puátteevuođâst.
Ko kuittâg koččâmušâst lii visio, mii peividuvvoo ohtânmaanoost te meid tarkkumpaje äigilaasâ iälá já lii njyebžil.
Teknologiavisio ij te koolgâ jiešárvusávt luávkkudiđ kieđâvuššâđ mihheen puátteevuođâ tiätuáigáduvâid peic eenâb tot iššeed iberdiđ já konkretistiđ teknologia máhđulâšvuođâid.
Yle ulmen lii rähtiđ teknologiavisiost juátkojeijee instrument olmâ sunde čäittimân, vâi mättip reagistiđ nubástussáid.
Visio iššeed Yle prioristiđ rähtim, iberdiđ mon teknologia tiäduttep sehe muštâliđ, ete maht puáttee teknologia-nubástusah vaigutteh syergi mättimprofiláid.
Teknologiavisioin háputtâllâp prinsiiplávt ávusvuođâ já oinum sehe tom, ete jyehi yleliist lii máhđulâšvuotâ peessâđ vaiguttiđ peic visiopaargon, te meid tuođâi ovdedemčuosâttuvváid já keččâlmáid sehe jieijâs mättim oovdedmân.
Mij lep ráhtám linjimijd sierâ teknologiasuorgijd, moi vievâst mij prioristep rähtim, raijip já rähtip fokus tâi luoppâp aašijn olmâáigásávt.
Teknologialinjimeh láá juohhum neelji kategorian: Maid Yle tiädut, maid keččâl, maid čuávu já mast luápá.
Ääpih
Teknologiavisiopargoost tubdâstijm tehálijd aapijd, moiguin toohâp teknologiavisio ovdedem máhđulâžžân. Apijguin uáivildep puoh taid aašijd (vyevih, mättim, piergâseh, jna.), maid tarbâšep tiätuääši tâi tooimâ olášutmân.
Taah ääpih adeleh sunde Yle ovdedempaargon sehe tárbulii mättimân.
Käännös: Tanja Kyrö.
