Njuike váldosisdollui

Tietosuoja

Diehtočoahkkogeavadagaid

Leat beaivádan min diehtočoahkkogeavadagaid 24.3.2021. Dán siiddus muitalit, mot Yle gieđahallá diehtočoahkuid ja eará sullasaš teknihkaiguin dieđuid Yle bálvalusaid geavaheamis. Lassedieđuid persovdnadieđuid gieđahallamis almmolaččat oaččut čujuhusas https://yle.fi/tietosuoja.

Diehtočoahkut ja eará apparáhtadovddaldagat

Yle geavaha diehtočoahkuid (“cookies”) ja eará teknihkaid galledeaddjimeriid statistihkaid ráhkadeapmái ja dahkan dihte vejolažžan ja álkidahttin dihte Yle digitála bálvalusaid geavaheami. Diehtočoahkku lea smávva teakstafiila, mii sáddejuvvo áššehasa neahttaloganii, mii dábálaččat sisttisdoallá dovddaldatnummira, iige vahágahte terminálarusttega. Diehtočoahkuiguin ja eará sullasaš teknihkaiguin mii čoaggit dieđuid Yle sisdoaluid geavaheamis, degomat dieđuid das, maid Yle siidduid geavaheaddji lea bláđen. Lassin mii čoaggit teknihkalaš apparáhtadieđuid, degomat dieđuid neahttaloganis, geavahanvuogádagas ja IP-čujuhusas. Oassi diehtočoahkuin leat goalmmát oassebeliid diehtočoahkut.

Geavaheaddji ii sáhte dovdát dušše diehtočoahkuiguin. Juos geavaheaddji lea ráhkadan Yle Tunnusa, sáhttit dievasmahttit bálvalusaid geavaheapmái laktáseaddji dieđuid Yle Tunnusa dieđuiguin. Dieđut eai geavahuvvo eambbo go dán siiddus maŋŋeleappos ovdanbuktojuvvon geavahanulbmiliid várás.

Dieđuid geavahanulbmilat

Vealtameahttun doaimmalaš diehtočoahkut

Atnit diehtočoahkuid ávkin bálvalusaid vuođđodoaimmaid ollašuhttimii. Dákkár doaimmat leat omd. sisa čáliheami ollašuhttin, filmmaid johtui bidjan ja iešguđet geavaheddjiid ásahusaid muitin. Oasi vealtameahttun diehtočoahkuin geavahit mihtideapmái, vai oažžut dieđuid Yle bálvalusaid geavaheamis sihke siskkáldasat ja našuvnnalaš dásis.  Yle sisdoaluid geavaheami mihtidit olggobeale sorjjasmeahttun dutkanorganisašuvnnat. Sisdoaluid geavaheapmái guoski dutkamuša ollašuhttet earret eará Finnpanel ja FIAM (The Finnish Internet Audience Measurement).

Čuoziheami ja ávžžuheami diehtočoahkut

Geavahit diehtočoahkuid ja eará sullasaš teknihkaid veahkehit Yle bálvalusaid geavaheddjiid gávdnat sisdoalu, man jáhkkit beroštahttit aiddo sin. Diehtočoahkuiguin ja sullasaš teknihkaiguin sáhttit maiddái personifiseret min siidduid geavaheaddji vásáhusa.

Diehtočoahkut, maiguin ovddidit min bálvalusaid

Ovddidit min bálvalusaid beaivválaččat. Diehtočoahkut veahkehit min áddet, mot min siidduid bálvalusat geavahuvvojit ja maid olbmot sávvet dain. Diehtočoahkuiguin ja sullasaš teknihkaiguin sáhttit dahkat Yle bálvalusaid buorebun. Mii soaitit ovdamearkka dihte iskkadit, guđemuš molssaeavttuid geavahanlavttas dahje govas bálvala áššehasa buoremusat. 

Yle áššehasain lea vejolašvuohta diŋgot ođasreivviid. Ođasreivvet ovddiduvvojit mihtidemiin ovdamearkka dihte daid sisdoaluid beroštahttivuođa diehtočoahkko- ja apparáhtadovddaldagaiguin.

Sosiála media vuojuhemiid diehtočoahkut

Yle siidduin ja bálvalusain leat liŋkkat ja oktavuođat goalmmát oassebeali fierbmesiidduide. Yle siidduid goalmmát oassebeali doalahan lasseoasit láddejit dáid bálvalusaid iežaset bálvalusprográmmain.

Searvvušlasseoasi bokte sosiála media bálvalusfállái vurkejuvvojit dieđut geavaheaddji galledeamis siiddus. Muhtin sosiála media lasseosiin ovttaskas geavaheaddji dieđut addojuvvojit dušše dalle, go geavaheaddji lea ieš aktiivvalaš ovdamearkka dihte juohkimiin artihkkala sosiála media lasseoasi bokte.

Yle siidduid ja bálvalusaid goalmmát oassebeali fállan bálvalusaide dahje goalmmát oassebeali sirdin applikašuvnnaide heivehuvvojit gažaldatvuloš goalmmát oassebeali geavahan- ja eará eavttut. Dalle dát sosiála media bálvalusfállit gieđahallet dieđuid registtardoallin ja heivvolaš osiid mielde oktasaš registtardoallin Ylein. Yle ii čoakke sosiála media lasseosiid bokte diehtočoahkkodieđuid.

Áššehasa váikkuhanvejolašvuođat

Diehtočoahkkodieđuid vurken ja čoaggin dáhpáhuvvet bálvalusa geavaheaddji addin miehtama vuođul. Geavaheaddji addá iežas miehtama Yle neahttaloganbálvalusain geavahuvvon neahttaloganlása bokte. Geavaheaddji sáhttá goas beare rievdadit iežas miehtama mannamiin Yle bálvalusaid badjeravdii, válljemiin doppe saji “Valikko” ja dan vuolde “Evästeasetukset”.

Miehtan diehtočoahkuid geavaheapmái jerrojuvvo buot diehtočoahkuid dohkkehan geavaheddjiin mánotbaji gaskkaid. Juos geavaheaddji lea dohkkehan dušše vealtameahttun diehtočoahkuid dahje oasi miehtama gáibideaddji diehtočoahkuin, jearrat lobi diehtočoahkuid geavaheapmái ođđasit golmma mánotbaji gaskkaid. Juos Yle diehtočoahkkokategoriija rievdá (omd. boahtá ollásit ođđa geavahanulbmilkategoriija), jearrat lobiid ođđasit buot geavaheddjiin.

Ođasreivviid oasil áššehas dohkkeha diehtočoahkkodieđuid vurkema ja čoaggima ođasreivve diŋgoma oktavuođas. Geavaheaddji sáhttá heaitit gos beare diŋgomis reivve (https://kirjeet.yle.fi/), goas maiddái diehtočoahkkodieđuid vurken ja čoaggin nohket.

Yle diehtočoahkut ja dovddaldagat