Njuike váldosisdollui

Tietosuoja

Yle bálvalusaid guoskevaš diehtosuodjedajus

Mii leat ođasmahttán min diehtosuodjegeavadagaid 2.9.2020.

Du privasitehtasuodji lea midjiide dehálaš

Yle lea čatnasan suddjet bálvalusaidis geavaheddjiid privasitehta ja čuovvut doaibmamisttis diehtosuodjeláhkaásahusa ja buorre diehtosuodjegeavadagaid. Persovdnadieđuid gieđahallan lea dárbbašlaš, vái Yle sáhttá buvttadit bálvalusaid buohkaide. Dán diehtosuodjedadjosis mii muitalat Yle persovdnadieđuid čoaggima ja gieđahallama guoskevaš geavadagain.

Lassin ovttaskas bálvalusain sáhttet leat dán diehtosuodjedadjosa dievasmahtti dahje dáinna báldalágan diehtosuodječilgehusat.

Dát diehtosuodjedajus ii guoskkat persovdnadieđuid gieđahallama journalisttalaš ulbmiliin. Loga lasi maid oaivvildat persovdnadieđuid gieđahallamiin journalisttalaš ulbmiliin.

Maid dieđuid mii gieđahallat?

Mii gieđahallat dieđuid, mat leat dán diehtosuodjedadjosis meroštallon geavahanulbmiliid dáfus dárbbašlažžan. Geavahanulbmil meroštallá, makkáraš dieđuid geavaheddjiin čoaggit sierra dáhpáhusain.

Mii čoaggit persovdnadieđuid ovdamearkka dihtii registrerema, bálvalusaid geavaheami, gilvvohallamiid, kampánjjaid dahje dutkamušaid oktavuođas ja maiddái muđui go divššut minguin earániid.

Mii čoaggit vuollin máinnašuvvon persovdnadieđuid dan mielde makkáraš bálvalusa luondu ja iešvuođat leat.

1. Dieđut maid attát Ylei

Mii gieđahallat bálvalusa mielde čuovvovaš dieđuid maid attát Ylei

  • Olbmo vuođđodieđut ja identifiseremii laktáseaddji dieđut, dego namma, nammamearka, geavaheaddjidovddaldat dahje juoga eará spesifiserejeaddji dovddaldat, šleađgapoastačujuhus, sohkabealli ja ahki.

  • Geavaheaddji govvideaddji ja guoskevaš dieđut, dego šaddanáigi, sohkabealli, ruovttugielda Suomas, beroštumit, favorihtat ja fáddádeattuhusat, giella- dahje earát vástideaddji válljendieđut, dieđut du geavahan apparáhtain ja earát sisdoalu buvttadeapmái ja prográmmaide laktáseaddji dieđut.

  • Diehtu geavaheaddji diŋgon ođasreivviin.

  • Geavaheaddji ieš buvttadan sisdoallu, dego áššehasmáhcahagat ja oktavuođa váldimat, lobit ja miehtamat, gilvvohallamiidda ja vuorbádemiide laktáseaddji dieđut ja kommeanttat maid leat addán neahttabálvalusas.

  • Oassálasti guoskevaš dieđut go almmuhat iežat dahje oassálasttát Yle dilálašvuođaide, gilvvohallamiidda dahje vuorbádemiide.

  • Dutkamuš- ja dihtoštandieđut. Lea vejolaš ahte mii ollašuhttit bálvalusaid kvalitehta ja geavaheami guoskevaš áššehasdihtoštemiid ja dutkamušaid bálvalusa geavaheddjiide. Lea vejolaš ahte ovttastit dihtošteamis jerrojuvvon dieđuid geahčadanhistorjádieđuide maŋŋelut lassedutkamušain. Vejolaš lassedutkamušat ollašuhttojit álo nu, ahte ovttaskas geavaheaddji dieđut gieđahallojit statistihkalaš ollislašvuohtan, iige ovttaskas vástideaddji sáhte dain earuhit.

  • Earát du miehtamin addojuvvon dahje luobahuvvon dieđut, dego olggobealát gálduin čoggojuvvon dieđut.

2. Bálvalusaid geavaheamis jođihuvvon dieđut

  • Yle bálvalusaid geavahandieđut, sisdoaluid geavaheapmi dego prográmmat maid leat geahččan dahje guldalan, artihkkalat maid leat lohkan dahje ohcamat maid leat dahkan min bálvalusain.

  • Teknihkalaš dieđut ja apparáhtadieđut, apparáhtadovddaldagat ja terminálarusttega guoskevaš dieđut, dego terminálarusttega málle ja ovttaskas apparáhta- ja/dahje diehtočoahkkodovddaldat, terminálarusttega geavahanvuogádat, geavaheaddji weblogan, heivehusa ja weblogana veršuvdna, IP-čujuhus, čoakkándovddaldat, čoakkána áigemuddu ja bistu.

  • Analytihkka- ja statistihkkadieđut, dego neahttabálvalusaid analytihkkavuogádagaid čoaggán statistihkkadieđut (geahča Yle diehtočoahkkogeavadaga).

  • Yle bálvalusaid geavahanhistorjjá vuođul geavaheaddjái ovttastahti dieđut, mat leat jođihuvvon áicojuvvon geavaheamis ja/dahje geavaheaddji ieš addán dieđuin, omd. demografiija, beroštuvvama čuozáhagat ja geavaheaddji eará jovkui juohkin.

  • Áššehasgulahallamis čoggojuvvon dieđut, dego ođasreivviid liŋkkaid spoahkkalanmearit gulahallama juksama čuovvumii.

  • Sajádatdieđut, juos leat addán dieđuid gieđahallamii nammejahkii miehtama. Sajádatdieđuide vuođđuduvvi Yle bálvalusat atnet ávkin satellihta-, IP-čujuhus- dahje eará neahttavuđđosaš báikedieđu. Veahkehuvvon sajádatvuogádagaid geavaheapmi sáhttá sisttisdoallat du báikedieđuid ja spesifiserejeaddji apparáhta- ja operáhtorguovdasaš dovddaldagaid molsuma sajádatserveriiguin. Geavahettiinat sajádatdieđuide vuođđuduvvi bálvalusaideamet, dego báikkálaš sisdoalu dahje sajádahkii vuođđuduvvan heahtedieđáhusaid, du sajádatdieđut sáddejuvvojit du miehtamiin Ylei vai dat sáhttá fállat rivtteslágan sisdoalu.

  • Bálvalusaid geavaheamis gávnnahuvvon dieđut, dego ahkejovkui, sohkabeallái dahje eallinmuddui (omd. párragoddi dahje mánnábearaš) laktáseaddji dieđut. Dieđut mat gávnnahuvvojit analytihkas vuođđuduvvet eanaš diehtočoahkuide ja daid vehkiin riggodahtton dieđuide (geahča Yle diehtočoahkkogeavadaga).

  • Earát du miehtamiin čoggojuvvon dieđut.

3. Luobaheami bokte ožžojuvvon persovdnadieđut

  • Mii oažžut prográmmasisdoaluideamet geavaheapmái laktáseaddji statistihkkadieđuid min ovttasbargoguimmiin ja sisdoalu juohkkiin, dego teleoperáhtoriid mediabálvalusain. Dieđut doaimmahuvvojit Ylei statistihkkadiehtun dahje pseudonymaterejuvvon hámis, goas mii eat sáhte earuhit geavaheaddji identitehta dieđuin.

  • Mii oažžut dieđu min iežamet sisdoaluid geavaheamis sosiála medias. Dieđut geavahuvvojit sosiála media kanálaid hálddašeapmái ja áššáigullevaš sagastallama sihkkarastimii. Lassin dieđut geavahuvvojit áššehasaid diđoštallamiidda vástideapmái. Yle bajásdoallan Facebook-siidduin Yle doaibmá oktasašregisttardoallin ovttas Facebook Irlánddain. Facebook gieđahallá persovdnadieđuid sin iežas diehtosuodjeprinsihpaid mielde: https://facebook.com/privacy/.

  • Jos háliidat geavahit visot Yle Areena sisdoalu go orodat eará EU-riikkain, mii dárbbašat dieđu du ruovttugielddas. Du bivdagis mii sáhttit viežžat dieđu ruovttugielddas Álbmotregisttarguovddážis.

Man ulbmila várás mii gieđahallat persovdnadieđuid?

Mii gieđahallat persovdnadieđuid vuollin govviduvvon ovtta ulbmilii dahje eanet ulbmiliidda.

1. Bálvalusaid fállan ja daid personifiseren

Mii gieđahallat persovdnadieđuidat, vai sáhttit ollašuhttit buoret bálvalusaid.

Sáhttit geavahit persovdnadieđuid Yle bálvalusaid ollašuhttimii, dego neahttasiidduideamet funkšuvnnaid vejolažžan dahkamii. Lassin persovdnadieđut gieđahallojit geavaheaddji identifiseremii ovdamearkka dihtii Yle Tunnus geavaheami oktavuođas. Sáhttit geavahit persovdnadieđuid eará geavaheaddjiguovdasaš funkšuvnnaid ollašuhttimii ovdamearkka dihtii vurkemin dieđu das, man buohta prográmmas geavaheaddji bázii.

Mii gieđahallat persovdnadieđuid vai sáhttit fállat eanet persovnnalaš, vuorrováikkuhuslaš ja geavaheaddjiustitlaš bálvalusaid.

Gieđahallamin persovdnadieđuid mii sáhttit ee. fállat bálvalusaid geavaheami eará apparáhtain, addit ávžžuhusaid miellagiddevaš sisdoaluin ja čájehit eará geavaheaddjiide čuozihuvvon sisdoaluid min bálvalusain. Loga lasi Yle ávžžuhusas.

2. Bálvalusaid ja sisdoaluid ovddideapmi ja raporteren

Mii gieđahallat bálvalusaid geavaheapmái laktáseaddji dieđuid vai sáhttit dahkat Yles buorebu dutnje ja midjiide buohkaide.

Mii gieđahallat bálvalusaid geavaheapmái laktáseaddji dieđuid ovdamearkka dihtii vai sáhttit luovvat eanet miellagiddevaš prográmmasisdoaluid, ovddidit min bálvalusaid sihke buoridit bálvalanvásáhusa ja bálvalusaid juksama. Bálvalusaideamet ovddideapmin mii sáhttit ovdamearkka dihtii ollašuhttit Yle bálvalusaide ja sisdoaluide laktáseaddji dihtoštemiid ja dutkamušaid mat gusket ovdamearkka dihtii sisdoaluid geavaheapmái laktásan hárjánumiid ja beroštumiid. Mii sáhttit ollašuhttit dáid dihtoštemiid ovdamearkan šleađgapoastta bokte dahje min neahttasiidduin. Min funkšuvnnaid ja sisdoaluid ovddideapmin geavahit maiddái áššehasmáhcahagain ja álbmotdutkamušain ožžojuvvon dieđuid. Bálvalusaid ovddideapmái laktásan persovdnadieđut gieđahallojit dábálaččat statistihkkan.

3. Áššehasgulahallan ja ođasreivvet

Leat oktavuođas min geavaheaddjiide vai muitalit Yle bálvalusain ja sisdoaluin.

Tunnus áššehassan oaččot dieđu Tunnus fállán ovdduin ja Yle sisdoaluin jeavddalaččat du šleađgapostii. Oaččot Tunnus áššehasreivve juohke mánotbaji, juos it leat gieldán áššehasreivve sáddema.

Háliidettiinat mii sáhttit maiddái sáddet dutnje personifiserejuvvon ávžžuhusaid ođđa sisdoaluin. Sáhtát ieš hálddašit áššehaskommunikašuvnna iežat profiillas Yle Tunnusis.

Mii muitalit min doaibmamis maiddái fáddáguovdasaš ođasreivviid hámis. Sáhtát diŋgot Yle ođasreivviid du beroštumi mielde ja maiddái šluhttet diŋgojumi juogo njuolga reivve liŋkka bokte dahje Yle Tunnus stellemiin.

4. Áššehasbálvaleapmi ja -máhcahagat

Sáhttit geavahit persovdnadieđuid áššehasbálvaleami ollašuhttimii.

Sáhttit geavahit persovdnadieđuid maiddái geavaheaddji bivdagiidda ja jearaldagaide vástideapmái ovdamearkka dihtii dalle, jos geavaheaddji lea váldán oktavuođa min áššehasbálvalussii. Lassin mii sáhttit leat oktavuođas geavaheaddjái áššehasbálvalusa dahje min bálvalusaide laktásan áššiin.

Riŋgemat Yle áššehasbálvaleapmái stivrejuvvojit telefonvástideaddjái dihto jándoráiggiin goas riŋgemat vurkejuvvojit áššehasbálvalussii vái sáhttit vástidit boahtán oktavuođa váldimiidda. Vástideaddjái vurkejuvvon riŋgemat rievdaduvvojit teakstan vai áššehasbálvalus šaddá jođáneabbon.

Maiddái Yle telefovdnaguovddážii boahtán riŋgemat vurkejuvvojit áššehasbálvalusa ovddideapmin.

5. Earát geavahanulbmilat

  • Dieđuid gieđahallat maiddái diehtodorvvus fuolaheapmái ja bálvalusaid boasttugeavahusaid eastadeapmái.

  • Earálágan jienastemiid ja gilvvuid ollašuhttin gáibida persovdnadieđuid gieđahallama. Gieđahallat dáidda ulbmiliidda dušše geavaheaddji jienasteami dahje gilvvu várás addán persovdnadieđuid. Sáhttit ortnet gilvvuid ja vuorbádemiid maiddái sosiála media bálvalusain.

Maiguin ákkaiguin mii gieđahallat persovdnadieđuid?

Yle gieđahallá persovdnadieđuid dušše dalle, go dasa lea vuoigatvuođalaš ágga. Persovdnadieđuid gieđahallama vuoigatvuođalaš ágga lea sorjavaš dieđuid gieđahallama luonddus ja ulbmilis.

Gieđahallanággan sáhttá leat geavaheaddji ja Yle gaskasaš soahpamuš. Go dagat Yle Tunnusa, mii gieđahallat geavaheaddjidieđuidat bálvalusa ollašuhttima várás.

Dihto dáhpáhusain gieđahallama ággan sáhttá leat geavaheaddji miehtan. Min soames bálvalusaid oktavuođas gieđahallat dieđuidat, go attát dasa miehtama. Dákkáraš gieđahallan lea ovdamearkka dihtii geahččigilvvuide oassálastin, ávžžuhusdieđáhusaid diŋgon dahje sajádatdieđuid gieđahallan omd. mobiilaheivehusain. Gieđahallan miehtama vuođul lea álo eaktodáhtolaš ja sáhtát álo šluhttet du addán miehtama.

Lassin mii sáhttit gieđahallat persovdnadieđuid Yle áššáigullevaš dárbbu dahje vuoigaduvvon ovddu vuođul.

Mii gieđahallat dieđuid vuoigaduvvon ovddu vuođul ovdamearkka dihtii čuovvovaš geavahanulbmiliidda:

  • bálvalusaid ja sisdoaluid ovddideapmái

  • min bálvalusain ja sisdoaluin dieđiheapmái

  • sisdoaluid geavaheami statistihkaid dahkama ja analyserema várás

  • bálvalusaid personifiserema várás. Sáhtát oahpásmuvvat dárkileappot Yle bálvalusain geavahusas lean ávžžuhussii dán artihkkalis.

  • bálvalusaid teknihkalaš ovdáneami várás ja bálvalusaid doaibmama sihkkarastimii

  • Yle ja dan áššehasaid dorvvolašvuođa sihkkarastimii, bálvalusain dáhpáhuvvi boasttugeavahusaid eastadeapmái ja Yle opmodaga suddjemii

  • dahkkivuoigatvuođaláhkaásaheami ásahan gáibádusaid goziheapmái

  • áššehasgulahallama várás, áššehasmáhcahagaid gieđahallamii ja áššehasgaskavuođa hálddašeapmái.

Go gieđahallat persovdnadieđuid vuoigaduvvon ovddu vuođul, mii árvvoštallat dárkilit persovdnadieđuid gieđahallama dárbbašlašvuođa ja vuogálašvuođa.

Yle arkiverejuvvon sisdoaluid ja sisdoaluide laktáseaddji dahkkidieđuid gieđahallat almmolaš ovddu mielde arkiverenulbmiliidda. Loga lasi Yle arkiverendoaimmas.

Luobahatgo mii persovdnadieđuid goalmmát oassebeliide?

Mii luobahat dieđuid Yle olggobeallai dušše beare čuovvovaš dáhpáhusain.

  • Sáhttit du miehtamiin luobahit persovdnadieđuid Yle guimmiide bálvalusaid geavaheami oktavuođas. Sáhttit luobahit persovdnadieđuid nammejahkii du miehtamiin ovdamearkka dihtii Yle olggobealát doaibmi fállán bálvalussii. Ovdamearkan dákkáraš bálvalusas doaibmá Helssega gávpoga Varaamo-bálvalus, man sáhtát geavahit du Yle Tunnusin.

  • Persovdnadieđuid luobaheapmi sosiála media guimmiide. Sáhttit luobahit persovdnadieđuid sosiála media doibmiide dego Facebook, Twitter. Sosiála media lasseosiid lea govvejuvvon Yles dárkileappot Yle diehtočoahkkogeavadagain.

  • Persovdnadieđuid luobaheapmi dutkamušgeavahussii. Mii árvvoštallat vejolaš dieđuid luobaheami dutkamušgeavahussii álo dáhpáhusa mielde. Vuolggasadjin lea ahte luobahat dieđuid dušše rievdaduvvon hámis, mas ovttaskas olbmuid ii sáhte šat earuhit. Sáhttit luobahit álbmotmihtideapmái laktásan diehtočoahkkodieđuid statistihkka- ja dutkamušgeavahusa várás. Leat govvidan álbmotmihtidemiid gieđahallama dárkileappot min diehtočoahkkogeavadagain.

  • Luobadit persovdnadieđuid virgeoapmahaččaide dušše bákkuheaddji láhkaásaheami gáibidan vugiin. Sáhttit luobahit persovdnadieđuid doaibmaválddálaš virgeoapmahačča ovdanbuktán gáibádusaid vuođul ja dušše láhkii vuođđuduvvan gáibádusaid mielde.

Gii gieđahallá persovdnadieđuidat?

Yles persovdnadieđuid gieđahallet dušše beare olbmot, geain lea barggu bealis ágga gieđahallat dieđuid.

Vuolit lágideaddjiid geavaheapmi

Yle sáhttá geavahit vuolit lágideaddjiid ja bálvalusfálliid bálvalusaidis teknihkalaš bajásdoallamii ja ovddideapmái, áššehasbálvalussii, geavaheaddjidieđuid hálddašeapmái ja analyseremii, dutkamušaide, áššehasgulahallamii dahje earálágan kampánjjaid ollašuhttimii. Yle vuolit lágideaddjit ja bálvalusfállit gieđahallet persovdnadieđuid dušše dan viidodagas, go lea dárbu dán diehtosuodjedadjosis govviduvvon geavahanulbmiliid ollašuhttimii.

Bálvalusfállit eai oaččo geavahit dieđuidat masa ge earáide, go Yle meroštallan, dán diehtosuodjedadjosis ja vejolaš bálvalusguovdasaš diehtosuodječilgehusain govviduvvon geavahanulbmiliidda. Yle geatnegahttá vuolit lágideaddjiid gieđahallat persovdnadieđuid luhtolaččat ja fuolahit dárbbašlaš diehtodorvvu dásis vai persovdnadieđut suddjejuvvojit.

Yle heivehusat goalmmát oassebeliid heivehusvuolážiin

Geavahettiinat Yle heivehusaid, geavaheamis mannet vuorkái persovdnadieđut. Yle bálvalusaid fállet sierra rusttetvuolážiin ja bálvalusat sáhttet sisttisdoallat liŋkkaid dahje beassama earáid doibmiid siidduide dahje bálvalusaide. Go Yle bálvalusaid geavahit ovdamearkka dihtii fihttotelevišuvnnain, mobiilarusttegiin dahje Yle olggobealát doaibmi heivehusain, heivehit dalle gažaldatvuloš bálvalusfálli iežas ja iehčanas diehtosuodjegeavadagaid ja geavahaneavttuid dán diehtosuodjedadjosa lassin. Heivehusaide mat luđejuvvojit heivehusgávppi, dego Apple App Store dahje Google Play bokte heivehit maiddái gažaldatvuloš bálvalusfálli geavahaneavttuid. Mii ávžžuhit, ahte oahpásmuvat fuolalaččat dákkáraš Yle olggobealát doibmiid diehtosuodjegeavadagaide ja geavahaneavttuide. Yle ii vástit Yle olggobealát doibmiid diehtosuodjegeavadagain dahje geavahaneavttuin.

Gieđahallojitgo dieđut EU dahje EEG olggobealde?

Mii ollašuhttit bálvalusaid ja gieđahallat persovdnadieđuid vuosttaš sajis ávkkástallamin EU- dahje EEG-riikkain lean doaibmiid ja bálvalusaid. Soames dáhpáhusain sáhttit geavahit min bálvalusaid ollašuhttimii maiddái eará sajiin lean doibmiid, bálvalusaid ja serveriid. Dáin dáhpáhusain sáhttit sirdit persovdnadieđuid EU- dahje EEG-riikkaid olggobeallai dakkáraš riikkaide, maid persovdnadieđuid gieđahallama guoskevaš láhkaásaheapmi spiehkkasa Suoma lága gáibádusain. Mii ollašuhttit dákkáraš sirdimiid láhkaásaheami gáibidan vugiin, ovdamearkka dihtii geavahemiin EU kommišuvnna dohkkehan mállesoahpamušcealkagiid ja ná sihkkarastit, ahte persovdnadieđuid suodji lea dárbbašáhtti dásis. Mii fuolahit, ahte persovdnadieđuid gieđahallan dáhpáhuvvá dán diehtosuodjedadjosa mielde fuolatkeahttá das, gos dieđuid gieđahallet.

Maid mii dahkat vai suddjet persovdnadieđuidat?

Mii giddet earenoamáš fuomášumi diehtosuodjái ja diehtodorvui bálvalusaideamet plánemis, ollašuhttimis ja bajásdoallamis. Mii geavahat áššáigullevaš fysalaš, teknihkalaš ja hálddahuslaš suodjevugiid persovdnadieđuidat suddjemii. Diehtosuojis ja diehtodorvvus fuolahit dasa sierra namahuvvon olbmot. Mii ráddjet beassama persovdnadieđuid sisttisdoallan vuogádagaide ja diehtovuođuide dušše beare namahuvvon olbmuide, geain lea vealtameahttun bargui laktásan dárbu ja vuoigatvuohta gieđahallat gažaldatvuloš persovdnadieđuid.

Mii ollašuhttit diehtosuoji ja diehtodorvvu earet eará ávaštalli riskkaidhálddašeami vugiiguin, vuhtiiváldimin diehtosuoji ja diehtodorvvu bálvalusaideamet plánemis, skuvlemin bargoveagamet ja geahčademiin jeavddalaččat bálvalusaideamet gáibádusaid čuovvuma diehtosuodjeláhkaásaheami hárrái.

Mii figgat pseudonymiseret dieđuid álo go vejolaš. Bálvalusaid geavaheamis gávnnahuvvon ja jođihuvvon dieđut seailluhuvvojit hámis, mas ovttaskas geavaheaddji identitehta ii sáhte earuhit.

Sáhtát ieš hálddašit Yle Tunnus persovdnadieđuid, válljemiid ja miehtamiid. Mii ávžžuhit ahte finat duollet dálle dárkkisteamen dieđuidat áigeguovdilisvuođa. Stuorimus oasi Yle bálvalusain sáhttá maiddái geavahit registrerema haga dahje geavahemiin nammamearkka.

Mo mii geavahat diehtočoahkuid?

Yle geavaha diehtočoahkuid, web beaconiid ja earáid vástideaddji meannudemiid earet eará Yle siidduid ja bálvalusaid fállamii ja ovddideapmái ja sisdoaluid personifiseremii. Min siidduin sáhttet leat maiddái earát Yle olggobealát doibmiid komponeanttat mat laktásit ovdamearkka dihtii searvvušbálvalusaide.

Diehtočoahkkogeavadagain mii govvidat diehtočoahkuid geavaheami dárkileappot ja muitalit das mo sáhtát ráddjet diehtočoahkuid geavaheami.

Man guhká mii seailluhat dieđuidat?

Mii seailluhat dieđuidat fámus lean láhkaásaheami mielde ja dušše beare nu guhká, go lea dárbu dán diehtosuodjedadjosis meroštallon ulbmiliid ollašuhttimii.

Persovdnadieđuid seailluhanáigi molsašuddá bálvalusaid mielde ja lea sorjavaš dieđuid luonddus. Mii árvvoštallat dieđuid seailluhanáiggi dárbbu jeavddalaččat. Dán muttus čuovvut čuovvovaš seailluhanáiggiid:

  • Mii jávkadit ovttaskas Yle Tunnus dieđuid, go gažaldatvuloš dovddaldat ii leat geavahuvvon guovtti jahkái. Mii sáddet ovdal jávkadeami geavaheaddjái muittuhusa teakstadiehtun. Háliidettiinat sáhtát jávkadit du Yle Tunnusa goas beare. Dalle mii jávkadit Tunnusii laktásan persovdnadieđuid 72 diimmu siste.

  • Geavaheaddji ásahan beroštumiid, favorihtaid ja čuojahanlisttuid seailluhat nu guhká, dasságo geavaheaddji jávkada sisdollui laktásan válljema Yle bálvalusas dahje go gažaldatvuloš Tunnus jávkaduvvo.

  • Bálvalusaid geavaheapmái laktáseaddji dieđuid, dego geahčadanhistorjjá, mii seailluhit 52 mánotbaji áigge dieđuid čoaggimis.

  • Vuorbádemiide ja gilvvuide laktásan dieđut jávkaduvvojit dalánaga gažaldatvuloš vuorbádeami dahje gilvvu nohkama maŋŋá.

  • Vuolggasadjin lea ahte áššehasmáhcahagaid ja vástideaddji oktavuođa váldimiid mii seailluhit jagi oktavuođa váldima vuostáiváldimis.

  • Dieđut telefonguovddážii boahtán riŋgemiin ja telefonguovddášbálvalanbargoveagain gevvojuvvon háleštemiid vurkemat jávkaduvvojit 21 jándora geažes riŋgemis.

  • Áššehasbálvalusa hállanpoastta dieđuid mii seailluhit eanemustá 90 jándora.

Seailluhanáiggi nohkama maŋŋá mii jávkadit dieđuid dahje rievdadit daid dakkáraš hápmái, mas ovttaskas olbmo ii sáhte šat earuhit.

Váldde vuhtii, ahte soames Yle bálvalusat sáhttet sisttisdoallat almmolaš kommenterenbálsttáid ja sagastallanforumiid. Nammamearkkat ja du almmustahttán sisdoallu sáhttet báhcit oidnosii maiddái dan maŋŋá, go du Yle Tunnus lea jávkaduvvon.

Mo sáhtát geavahit diehtosuodjeláhkaásaheami čuvvon vuoigatvuođaid?

Yle bálvalusa geavaheaddjiin lea vuoigatvuohta:

  • dárkkistit dieđuidis. Olbmos lea vuoigatvuohta oažžut dieđu das, gieđahallojitgo su dieđut. Jos dieđut gieđahallojuvvojit, olbmos lea vuoigatvuohta dárkkistit su guoskevaš dieđuid.

  • bivdit boasttu dieđuid divvuma

  • bivdit boarásmuvvan dahje muđui ákkaid haga gieđahallon dieđuid jávkadeami

  • bivdit dihto dáhpáhusain gieđahallama ráddjema

  • vuostálastit vuoigaduvvon dahje almmolaš ovdui vuođđuduvvan dieđuid gieđahallama

  • bivdit dieđuidis sirdima dalle, go dieđuid gieđahallo soahpamuša dahje miehtama vuođul

  • vuoigatvuohta šluhttet su addán miehtama persovdnadieđuid gieđahallamii

  • vuoigatvuohta dahkat váidalusa bearráigeahčči virgeoapmahažžii.

Sáhtát geavahit vuoigatvuođaidat sáddemin midjiide bivdaga Yle diehtosuodjesiiddu bokte čujuhusas https://yle.fi/tietosuoja.

Min soames bálvalusain sáhtát šluhttet du addán miehtama persovdnadieđuid gieđahallamii ovdamearkka dihtii apparáhta, bálvalusa dahje heivehusa ásahusaid bokte.

Sáhtát hálddašit Yle Tunnusii laktásan dieđuidat čálihemiin sisa iežat profiilii. Tunnus diehtostellemiid bokte sáhtát ieš váikkuhit dasa, makkár áššegulahallama háliidat Yle sáddet dutnje. Sáhtát maiddái šluhttet Yle Tunnus áššehasreivve ja ođasreivviid diŋgojumi. Váldde vuhtii, ahte dalle mii sáhttit goittotge ain sáddet dutnje bálvalusaideamet guoskevaš vealtameahttun almmuhusaid, dego dieđuid iešvuođain, nuppástusain dahje bálvalusaid feaila- ja hehttehusdiliin.

Nuppástusat dán diehtosuodjecealkái

Mii ovddidit oppa áigge bálvalusaideamet. Mii sáhttit ođasmahttit dán diehtosuodjedadjosa dárbbu mielde. Nuppástusat sáhttet laktásit maiddái láhkaásaheami nuppástuvvamii. Mii ávžžuhit, ahte oahpásmuvat dán diehtosuodjedadjosa sisdollui duollet dálle, vai oaččot dieđu cealkái vejolaččat dahkkojuvvon nuppástusain.

Dát diehtosuodjedajus lea ođasmahtton 2.9.2020.

Gii lea registtardoalli ja gosa sáhtát váldit oktavuođa?

Persovdnadieđuidat registtardoallin doaibmá Yleisradio Oy, čujuhusas Uutiskatu 5, 00024 Yleisradio.

Privasitehtasuodjái laktáseaddji áššiin sáhtát váldit oktavuođa šleađgapoastta bokte čujuhussii tietosuoja@yle.fi.