Čábbámus juovlalávlagiid lávlot jagi bottu maŋŋá dál maid gilážiin – Sámegielat juovlalávlagat čudjet maid Turku duopmogirkus

Dán artihkkalii leat čohkken, gos ja goas lávlot čábbámus juovlalávlagiid sámegillii.

Juovlalávlagiid lávlot vuot miehtá Suoma. Govva: Henrietta Hassinen / Yle

Searvegottit lágidit juohke jagi miehtá Sámi dáhpáhusaid, gos lávlot čábbámus juovlalávlagiid maiddái sámegillii. Diibmá koronadili geažil lávlundilálašvuođaid eai basttán ordnet nu olu, muhto dán jagi juovlalávlagat čudjet maiddái smávit gilážiin sámeguovllus.

Dán artihkkalis beasatge geahččat, ahte gos ja goas lávlot čábbámus juovlalávlagiid sámegillii.

Turku duopmogirkus lávlot juo goalmmát geardde sámegillii

Turku duopmogirkus lávlot čábbámus juovlalávlagiid sámegillii bearjadaga 3.12. diibmu 18.00. Dát lea goalmmát geardi go Turku duopmogirku lágida sámegielat juovlalávlagiid lávlundáhpáhusa. Dilálašvuođas lávlot juovlalávlagiid nu davvisáme-, anáraš- go maiddái nuortalašgillii.

Dilálašvuhtii sáhttá boahtit báikki ala lávlut, jus fal lea koronapássa. Lávlundáhpáhusa beassá čuovvut maiddái neahta bokte čujuhusas virtuaalikirkko.fi (siirryt toiseen palveluun)ja girku sámebarggu Facebook-siiddus (siirryt toiseen palveluun).

Dilálašvuođas lea mielde Turku earkebismagotte bisma Mari Leppänen, guhte doaibmá dán jagi maiddái Čábbámus Juovlalávlagat 2021 dáhpáhusaid suodjaleaddjin. Juovlalávlagiid lávlumin ja lávlluheamen leat sápmelaš musihkkárat Aimo Aikio ja Ulpu Mattus-Kumpunen, ja Orivesi kántor Jari Linjama. Duopmogirku orgelčuojaheaddji Markku Hietaharju doaibmá kántorin.

Čábbámus juovlalávlagat Ohcejoga guovllus guovtti gillii

Ohcejoga searvegottis lávlot čábbámus sáme- ja suomagielat juovlalávlagiid čuovvovaš báikkiin:

Ohcejogas Pub Rástegáissás gaskavahku 15.12. diibmu 18.00.

Njuorggámis Njuorggáma rohkoslanjas duorastaga 16.12. diibmu 18.00.

Ohcejogas Ohcejoga girkus lávvardaga 18.12. diibmu 18.00.

Gáregasnjárggas Gáregasnjárgga kapeallas sotnabeaivve 19.12. diibmu 14.00 ja diibmu 16.00.

Ohcejogas Restoráŋŋa Deanus gaskavahku 22.12. diibmu 18.00.

Eanodaga lávlumat eai streamejuvvo dán jagi

Eanodagas čábbámus juovlalávlagiid sáhttá lávlut sámegillii Heahtá girkus ja Garasavvona kapeallas. Dábálaččat Heahtá girku dáhpáhusat streamejuvvojit, muhto dán vuoro sámegielat juovlalávlundáhpáhusaide sáhttá searvat dušše báikki alde.

Sámegielat dilálašvuođaid láidesta Sointu Jokiniemi ja kántorin lea Pasi Tikka.

Eanodagas Heahtá girkus čábbámus juovlalávlagat maŋŋebárgga 14.12. diibmu 17.00.

Garasavvonis kapeallas duorastaga 16.12. diibmu 17.00.

Soađegili guovllus lávlundáhpáhus vuosttas geardde Burdnomohkis

Soađegili bealde čábbámus juovlalávlagiid lávlot sámegillii Vuohčus ja Burdnomohkis. Lea vuosttáš geardi, go juovlalávlumat lágiduvvojit Burdnomohki gilážis.

Vuohčus Vuotson majas guovttegielat meassu ja čábbámus juovlalávlagat suoma- ja sámegillii sotnabeaivve 5.12. diibmu 14.00.

Burdnomohki cábbámus juovlalávlagat 11.12. Bigga-Helena Magga geahčen leat šluhttejuvvon.

Anáris lávlot máŋgga gillii

Anára gieldda koronadili dihtii searvegoddi lea šluhtten lávlundáhpáhusaid. Girkuid lávlundáhpáhusain gáibiduvvo koronapássa badjel 16-jahkásaš oasseváldiin.

Avvilis Avvila girkus mánáid juovlalávlagat vuossárgga 13.12. leat šluhttejuvvon.

Suoločielggis Aurora Tupa vuossárgga 13.12. dáhpáhus lea šluhttejuvvon.

Anáris maŋŋebárgga 14.12. Anára girku ja Anára skuvlla juovlalávlagat leat šluhtteluvvon.

Keväjärvis Keväjärvi tsasouvnna dáhpáhus maŋŋebárgga lea šluhttejuvvon.

Menešjávrris Yrjö ja Pirkko Mattus geahčen lávlot gaskavahku 15.12. diibmu 18.00. Sihke sáme- ja suomagillii.

Anáris Siidda Itnetvári stobu sámegielat lávlundáhpahus duorastaga 16.12. lea šluhttejuvvon.

Njellimis Njellima ortodoksagirkus lávlundáhpáhus bearjadaga 17.12. diibmu 18.00. Juovlalávlagat suoma- ja anárašgillii.

Anáris Anára girkus juovlalávlagat sotnabeaivve 19.12. diibmu 18.00. Oasseváldiin gáibiduvvo koronapássa.

Čeavetjávrris Čeavetjávrri skuvllas lávlot gaskavahku 22.12. diibmu 9.00. Juovlalávlagat suoma- ja nuortalašgillii dušše skuvlla vehkii.

Cavgil, jus dieđát eambbo dáhpáhusaid

Jus dieđát gos eará sajiin lávlot čábbámus juovlalávlagiid sámeguovllus dahje sámegillii, čális dieđu midjiide čujuhussii sami.radio(a)yle.fi dahje Yle Sámi Facebook-siidui. (siirryt toiseen palveluun)

Beaivvi ságaid ja Yle Ođđasiid Sámis sáhtát maid guldalit Yle Areenas.

Divvojuvvon 2.12. dii. 11.11: Bajilčállagis lei boastto beaivi.

Beaiváduvvon 9.12. dii. 13.38: Siidda Itnetvári stobu sámegielat lávlundáhpáhus 16.12. lea šluhttejuvvon.

Beaiváduvvon 10.12. dii. 15.19: Burdnomohki, Avvila, Suoločielggi, Anára ja Keväjärvi dáhpáhusaid leat šluhtten.