Njuike sisdoaluide

Moanat nuorat vedjet funet – Yle válgachattis ságastallat otne nuoraid mielladearvvašvuođas

Yle válgachat fáddán lea otne duorastaga nuoraid mielladearvvašvuohta. Áššis ságastallat diibmu 12 rájes Yle válgachat-ságastallamis.

Govva: Yle

Nuoraid ja mánáid psykiatralaš divššu dárbu lea lassánan miehtá riikka, nu maiddái Lappi buohccedikšunbires. Guhká joatkašuvvan váttisvuhtii sávvet čovdosiid, go ođđa buresbirgenguovlu álggaha doaimmas.

Diibmá Lappi guovddášbuohcceviesu nuoraidpsykiatriija ovttadahkii registrerejuvvojedje sulii 450 sáddenbáhpára, go ovddit jagi mearri lei 378. Erenomážit 13–18-jáhkasaš nuorat dárbbašit ain eanet veahki.

Boađe otne Yle Sámi dahje Yle Lappi válgalávvui ságastallat, mo buoridit nuoraid buresbirgema. Áššedovdin ságastallamis leaba ohcci nuoraidbargi Emilia Luukkonen ja Sirkku Maikkula Länsi-Pohja guovddášbuohcceviesu mánáid- ja nuoraid psykiatriija poliklinihkas.

Oassálastte ságastallamii diibmu 12 dáppe. (siirryt toiseen palveluun) Yle chat-ságastallamii sáhttá oassálastit Yle dovddaldagain.

Yle čuovvu guovloválggaid Lappi eanangotti ja Sámi oainnus Sámi válgalávvu -siidduin. Válgalávus gávnnat ođđasiid guovloválggain ja sáhtát oassálastit suomagielat chat-ságastallamiidda.

Ođđasamosat