Njuike sisdoaluide

Geahča video: Vuohču skuvllavistti leat álgán njeaidit – ođđa skuvlavistái besset čakčat

Vuhččui ceaggána čakčii ođđa modulaskuvla lihkadanhálla oktavuhtii.

Kaivinkone ja työmiehiä Vuotson koulun purkutyömaalla.
Burginmášiinnat hoigadedje boares skuvllavistti seinniid eatnamii vuossárgga 23.5.2022.

Vuohču boares skuvllavistti leat álgán njeaidit dán vahku vuossárgga. Burginfitnodaga bargojođiheaddji Olli-Pekka Itälä dadjá, ahte vistti burgimis manná sullii moadde vahku.

Skuvllavisti lea huksejuvvon jagis 1969 ja divvojuvvon 2007. Dán lohkanbajis Vuohču skuvllas leat 34 oahppi.

Vuohču skuvlaveaga várás leat láigohan priváhtavisttiid Vuohču giliguovddážis, gos skuvladoaibma ordnejuvvo giđđalohkanbajis vel ovdal geasseluomu.

Ođđa modulaskuvla boahtá boares skuvlla sadjái lihkadanhálla oktavuhtii.

– Skuvlabarggu lea ulbmilin čakčat álggahit ođđa modulaskuvllas, muitala Vuohču skuvlla veahkkejođiheaddji Nina Hirvonen.

Boares skuvlavisttis ledje sisáibmováttisvuođat

Vuohču skuvlla heajos sisáimmu leat dutkan, go jagiin 2019–2021 ožžo vihtta almmuhusa skuvlla sisáimmu dagahan dearvvašvuođalaš váttuin.

Dutkamušain gávnnahedje máŋggalágan sisáibmováttisvuođaid, earret eará skuvlla áibmomolsunrusttegiin ledje fiberat ja skuvlla seainnit ledje njuoskan.

Beaivvi ságaid ja Yle Ođđasiid Sámis sáhtát maid guldalit Yle Areenas.