Njuike sisdoaluide

Teknihkalaš vihki hehttii Yle radiosáddagiid miehtá Suoma duorastaga iđđes – radiosáddagat gullojit fas

Yle Sámi radiosáddagat gullojit fas. Radiosáddagiid oktavuođahehttehus álggii Sámis, Pohjois-Pohjanmaas ja Kainuus iđđes diibmu 7.30 maŋŋá.

Govva: Yle/ Derrick Frilund

Yle Sámi radiokánalas ii gullon sátta duorastaga iđđes teknihkalaš siva geažil. Vihki hehttii iđida radiosáddagiid miehtá Suoma diibmu 7.30 maŋŋá. Sádden doaibmagođii fas diibmu 10.30 maŋŋá.

Oktavuođahehttehus boatkkui Yle sáddagiid aŋkke Sámis, Pohjois-Pohjanmaas ja Kainuus.

Bálvalanhoavda Tuomo Stoor muitala, ahte sámeradios vihki álggii diibmu 7.37 ja dat vuhttui olles riikkas. Vihki lea dál čielggaduvvon.

Beaividuvvon 4.8.2022 diibmu 12.44 hehttehusa ordnašuvvamiin.