Njuike sisdoaluide

"Hálida sallut ustibiiddis" - Sini Saarela beasai eret dutkanfáŋgalis

Greenpeace-aktivista Sini Saarela lea beassán eret dutkanfáŋgalis. Saarela dadjá, ahte lea giitevaš buohkaide, geat leat dorjon su.

Sini Saarela vapauduttuaan vankilasta Pietarissa 21. marraskuuta. Govva: Jussi Nukari / Lehtikuva

Greenpeace-aktivista Sini Saarela lea beassán eret dutkanfáŋgalis, muitala Yle Ođđasiid doaimmaheaddji Erkka Mikkonen Sankt Petersburgas. Saarela lei giddagasas Ruoššas badjel guokte mánotbaji.

Saarela dadjá, ahte lea giitevaš buohkaide, geat leat dorjon su. Son muitala, ahte hálida sallut ustibiiddis.

- Greenpeace ovddasteaddjit leat muitalan, ahte áigot doalvut Saarela muhtin ráfálaš báikái borrat ja doaktára lusa, dadjá Mikkonen gii lei báikki alde fáŋgal nummir vihtta ovddabealde.

Dan eai vel dieđe goas Saarela beassá máhcat Supmii.