Njuike sisdoaluide

Markus Lohi: "ILO-soahpamuš boahtá vel muhtun láhkai gieđahallamii"

Riikkabeaiáirras Markus Lohi jáhkká, ahte moatti vahku siste čielggadit riikkabeivviin, álggahitgo muhtunlágan duogášbargguid ILO-soahpamuša ratifiserema ovdii.

Lapin kansanedustaja Markus Lohi
Govva: Jorma Korhonen / Yle

Suoma riikkabeaiáirras Markus Lohi kommenterii Helssegis ikte ILO 169 –soahpamuša ovdáneami riikkabeivviin. ILO-soahpamuša ratifiseren ii leat Sipilä ráđđehusa ráđđehusprográmmas.

– Muhtun láhkai dat sihkkarit boahtá vel gieđahallamii. ILO-soahpamušhan ii iešalddis vuolgán riikkabeivviin eret vaikke šattai ođđa ráđđehus ja riikkabeaiválggat ledje dan gaskkas.

Markus Lohi jáhkká, ahte moatti vahku siste čielggadit riikkabeivviin, álggahitgo muhtunlágan duogášbargguid ILO-soahpamuša ratifiserema ovdii.

– Dál sihkkarit suokkardallet, maid galggašii bargat ovddalgihtii, vai ILO-soahpamuša sáhtášii gieđahallat riikkabeivviin. Leago juoga duogášbargu. Dát čielgá moatti vahku siste, Lohi dadjá.