Tavesämikielii loostâ Ávvir lohheeh láá jienâstâm Ávvir kištoost Ive sämmilâžžân maadâ-sämmilâš artist Jon-Henrik Fjällgren.
Fjällgren peggij moonnâm ive ko peesâi masa Eurovision-lávlumkiišton juáigusijn Manne leam frijje, já sun lii meid ovdedâm juáigus áárvu Ruotâ peln já eromâšávt maadâ-sämmilij juoigâmärbivuovijd.
Nubben šoodâi Jenni Laiti
Kištoost puovtij jienâstiđ ive 2015 loopâ räi. Kiišton pottii 3625 jiennâd, já Fjällgren uážui 31 prosenttid jienâin.
Nubben enâmustáá jienâid, 30 prosenttid, uážui luánduaktivist já Suohpanterror taaiđârjuávhu ovdâsteijee Jenni Laiti. Kuálmádin kištoost poođij MMA kištottellee Ole Johnny Eriksen, kii uážui 11 prosenttid jienâin.
