Njuike sisdoaluide

Gaurilooʹff Mannu mieʹcc Kaiʹssi -dokumeʹntt vuäǯǯai pueʹrmõs oʹhjeei ciist Jakutia fiʹlmmfestivaalin

Nuõrttsäʹmmlaž fiʹlmmoʹhjeei Katja Gauriloff vuäǯǯai Jakutia fiʹlmmfestivaalin pueʹrmõs jååʹđtummuž ciist mõõnni neäʹttel-loopp. Jakutia meeraikõskksaž fiʹlmmfestivaal riâššeš nubb vuâra Jakutsk-gåårdest 20.-24. påʹrǧǧmannu.  

Govva: Oktober Oy

Nuõrttsäʹmmlaž fiʹlmmoʹhjeei Katja Gauriloff vuäǯǯai Jakutia fiʹlmmfestivaalin pueʹrmõs jååʹđtummuž ciist mõõnni neäʹttel-loopp fiilmâst “Mannu mieʹcc Kaiʹssi”, leʹbe Kaisaʹs Enchanted Forest.

– Muʹst lij cistt väʹldded tän ciist vuâstta. Gåår, ko jiõm piazzam pueʹtted čuäʹjtõʹsse Jakutia fiʹlmmfestivaalin, tuäivam što ǩiiččeei naaudše, kommentâʹstt Gauriloff.

Govva: Ville Fofonoff / Yle

Mannu mieʹcc Kaiʹssi lij raajjum eeʹjjest 2016.  Dokumeʹntt čuäʹjteš vuõssmõs vuâra Lääʹddjânnmest Suäʹđjel fiʹlmmfestivaalin ǩieʹssmannust.

Dokumeʹntt mušttal dokumeeʹnt oʹhjeei Katja Gaurilooʹff maaddârääkk pirr, di Kaiʹssi Gaurilooʹff da sveiccjânnmlaž ǩeʹrjjneǩ Robert Crotteet naʹzvaanvuõđâst. Seämmast fiʹlmm mušttal nuõrttsäʹmmlai historia pirr.

Jakutia meeraikõskksaž fiʹlmmfestivaal riâššeš nubb vuâra Jakutsk-gåårdest 20.-24. påʹrǧǧmannu.