Kirjujarmankale kävyi ylen äijy rahvastu

Nenga viijesvuitti kävijöis oli kirjujarmankal enzimästy kerdua.

Yle Uudizet karjalakse
Yleisöä Helsingin Kirjamessuilla 26. lokakuuta 2018.
Yleisöä Helsingin Kirjamessuilla 26. lokakuuta 2018.Timo Jaakonaho / Lehtikuva

Helsingin kirjujarmankale kävyi rekordumiäry rahvastu. Nellän päivän aigua kirjujarmankale kävyi 85 600 hengie, muga sanotah jarmankan tiijoittehes. Mulloi kirjujarmankal oli 84 000 hengie.

Nenga viijesvuitti kävijöis oli tapahtumas enzimästy kerdua, sanotah TNS Kantarin luajitus kävijäntutkimukses. Vuvven allus kirjujarmankan ruandah ottanuhes programmanjohtai 25-vuodehine Ronja Salmi oli ylen hyväs mieles enzikerdazen suuren ozittumizen täh.

– Tärgienny dielonnu on suaja nuoret da lapset viriemäh kirjalližuoh. Voinnemmo myö täs kuitahto avvuttua, ga ruammo sen hyväl mielel, sanoi Salmi.

Hänen mugah lapsienalovehen uvvistandu on ozitunnuh ylen hyvin.

Kirjujarmankal kävii osti keskimiärin kuuzi kniigua.

Kirjujarmankah otti ozua 318 ilmahpiästäjiä, kirjulaukkua da antikvariatanmyöjiä. Paginanpidäjiä oli enäm tuhattu, niilöin luvus oli kirjuttajien ližäkse poliitikkua, taidoilijua, žurnalistua da vaikuttajua.

Nygöi jo 18. kerran kirjujarmanku piettih Helsingin Jarmankukeskukses.

Tänä vuon jarmankan tiemannu oli Yhtysvallat.

Yle Uutiset: Kirjamessut teki kävijäennätyksen