Talvi čökähtäh gostih Suvi-Suomeh ezmässargen, ga jo tossargen vihmu sulattau lumet

Varzinas-Suomes da Sadakunnas voibi panna äijän lundu, erähis kohtis kai kymmene santimetrii. Iččenäžyspäivänny Suvi-Suomes lundu jo ei rodei.

Yle Uudizet karjalakse
Alkuviikolla lännestä leviää sateita
Alkuviikolla lännestä leviää sateita

Ezmässarren da tossarren vastazel yöl suuri madalpaineh tuou lumenpanuo Suvi- da Päivänlasku-Suomeh. Yhtelläh talvine siä vaigu čökähtäh gostih, sendäh gu lumi ruttozeh muuttuu märräkse da sulau iäres.

Lundu rubieu panemah Varzinas-Suomes da Sadakunnas ezmässargen ehtypäiväl.

Emässarren ehtän da tossarren yön aigua lumipanot levitäh Pohjanmualpäi piälinnan alovehen lähäle. Lundu panou sen-tämän santimetrin, enämbi Varzinas-Suomes da Sadakunnas.

Lumenpanon täh dorogat voijah roita libielöikse, enne kaikkie sit, konzu pakkaine siä muuttuu lämmembäkse.

Tossargen ilmu roih lauhkei, da lumenpano muuttuu vihmakse. Vihmu sulattau lumet iäres suvi- da päivännouzupuolizis čuris.

Iččenäžyspäivänny roih vilu tuuli

Lapis da Kainuus lumipeitto lujenou lähipäivien aigua, hos algunedälil siä roihgi lämmembi.

Kolmanpiän pakastah Lounas-Suomes dai muijal, ga ei suvizembis čuris.

Iččenäžyspäiviä vaste kolmanpiän ilmu vilustuu suvičurisgi. Pohjazes rubieu lundu panemah, ga suves voibi päiväinegi ozuttuakseh.

Iččenäžyspäivänny nellänpiän pakkastu roih läs kogo muas. Suvi- da lounasrannikol lämbötila roih nol’an mail. Yhtelläh tuulen täh siä rubieu ozuttamahes vilumbakse.

Talvi vierailee Etelä-Suomessa maanantaina – tiistain vesisade sulattaa lumet