Libiet jallačit jallas da telefon käis kuatah suomelazii

Enämbän satatustu livestyjes suajah ruadoigähizet ristikanzat.

Yle Uudizet karjalakse
 Jalankulkija kävelee liukkaalla jalkakäytävällä
Jarno Mela / Lehtikuva

Mulloi läs 40 prosentua suomelazis oli livestynnyh liijan libiet jallačit jalgah panduu, sanou Liikendehturvan veres kyzely Liikenneturvan tuore kysely (siirryt toizeh palveluh) (siirryt toiseen palveluun). Enimite rahvas livestytäh da kuavutah ruadoh astujes.

– Satatustu livestyjes suajah enimite ruadoigähizet ristikanzat. Jogahine meis vähimyölleh silloi-toiči astuu jallai, hos parkipaikalpäi ruadokohtan veriässäh da järilleh, juohattau tiijoittehes Liikendehturvan eričysazientundii Kaarina Tamminiemi.

Jiähizel dorogal ei maksas möllöttiä telefonah, parem on keskittyö pystyi pyzyndäh.

– Piä ei malta duumaija kahtu-kolmie dieluo yhtel aigua, se siirdelöy tarkavažuttu sinne-tänne. Telefonah möllötändy viey kui ajatukset, mugai kačon muijale, sanou Liikendehturvan planiiruiččii Petri Jääskeläinen.

Liikendehturvu kehoittau rahvahan pyzymisty pystyi juuri nygöi käymäs olijan Pyzy pystyi –kampuanien vuoh.

Liukkaat kengät ja kännykän räplääminen kaatavat suomalaisia