Virrallizeh karjalazien šipainiekoin reseptah tahtotah muutostu – sit syväimekse padis sežo kagru libo speltinižu

Laktouzattomat ruohkuainehetgi kuulutah nygözeh aigah. Nenga sanotah nimisuojan muutostu kyzyjät.

Yle Uudizet karjalakse
Karjalanpiirakkaa rypytetään.
Martat yhtistetäh karjalazii šipainiekkoi.Yle / Heikki Haapalainen

Karjalaine šipainiekku on suomekse karjalanpiirakka. Sidä ylen suvaijah Pohjas-Karjalas dai muijalgi. Putillizes, oigies karjalazes šipainiekas paistah alalleh, ga EU:n nimisuojan suannuol myödävänny olijal karjalazel špainiekal pidäy olla luajittu tarkazeh tietyn reseptan mugah jo vuvves 2003.

Ga piirualoingi aigu on muuttunuh.

– Perindöllizilgi pastoksil pidäy muuttuo aijan mugah, sanou Johanna Rinnekari Pro Agria Pohjas-Karjalaspäi.

Pro Agria on yksi nenga kahteskymmenes toimijas, kuduat yhtes ollah kyzytty virrallizen nimisuojan suannuon karjalazen šipainiekan reseptan muutostu. Arvostelukierros on kestänyh jo kaksiene vuottu. Uskotah, gu EU andas piätöksen tämän vuvven aigua.

Nimimuutostu kyzymäs ollah Pohjas-Karjalan mua- da koditalovusnaizet sego kymmenii piiraidu pastajii yritäjii da yrityksii.

Putillizen, oigien karjalazen šipainiekan pastamizeh hyväksyttäs jällespäi sežo laktouzatoi maido, sliuhkat, laktouzattomat sliukat, maidojauho da laktouzatoi maidojauho sego laktouzatoi maidojuomine. Viimeksi mainittua käyttää kotileipomo Viipukka, joka on joutunut muuttamaan tuotteidensa nimen, sillä karjalanpiirakassa ei tällä hetkellä saa käyttää laktoosittomia tuotteita.

Voikse pädis sežo laktouzatoi voi da kaikkih nämmih muutoksih kaččomattah piiruastu vois sanuo karjalazekse šipainiekakse (suomelazeh tabah karjalanpiirakakse).

Pastua vois aijembua räkembäs päčis

Muutostu kyzyi joukko on duumainnuh karjalazien šipainiekoin pastandan lämbötilua. Se rodies 250–330 astehtu. Nygöi se on 250-300 astehtu. Toizin sanoin karjalazet šipainiekat pidäs pastua räkes päčis, muite et sua putillistu magiedu piiruadu.

– Tahtozimmo, gu syväimekse hyväksyttäs sežo kagru da viendytuottehis nižuspelti, sanoldau yritysnevvoi Rinnekari.

Perindöllizih karjalazih šipainiekkoih riissu- da kartohkusyväimenke harjavunnuh ristikanzu huolevuu. Nygözes virrallizes reseptas syväimekse hyväksytäh kartohkupudron da riissukuašan ližäkse ozrukuaššu da keitetyt survotut kazvoksetgi. Näimmögo terväh päivän, konzu karjalazes šipainiekas voi olla hos midä syväimenny mis tahtonet kuores?

– Nikonzu emmo kieldävy putillizes oigies karjalazes šipainiekas. Se iellehgi roih meijän da pohjaskarjalazien pastajien käzis, vastuau Rinnekari.

Tädä dieluo enzimäzenny pagizi Pielisjokiseutu. (siirryt toiseen palveluun)

Viralliseen karjalanpiirakkareseptiin haetaan muutosta – täytteeksi kelpaisi jatkossa myös kaura tai speltti