Löyttylöin koirien uudeh kodih niškoi kerätty enäm 30 000 euruo

Kampuanii Koiratarha Kulkurin eläjien avvutandakse kestäy pyhähpäivässäh.

Yle Uudizet karjalakse
Milla on yksi Koiratarha Kulkurih tuodulois pihal löyttylöis koiris.Jarkko Heikkinen/YLE

Koiratarha Kulkurin dengoin ečindykampuanii on menemäs jälgimästy nedälii. Kampuanii lopeh pyhänpiän. Koittomien koirien da muijien löyttylöin elättilöin uuzih tiloih niškoi tässäh on kerätty enäm 30 000 euruo. Vaazalazen Koiratarha Kulkurin kerätty dengumiäry tossargen huondeksel oli 30 765 euruo. Kampuanieh tässäh on ottanuh ozua 615 lahjoittajua.

Kampuanien vuoh kerätäh dengua putillizien tiloin srojimizekse Vaazan da lähäzien alovehien löyttylöis elättilöis huoldu pidäjäle Koiratarha Kulkurile. Nygöi Kulkuri ruadau pahois da rauhattomis tilois Vaazan keskilinnan lähäl Minimanin da raveiliikendehellizen Yhtystien keskivälis. Uvvet tilat roitah Mualahtes kyläalovehel.

Löytöeläinkoirien uudelle kodille kerätty yli 30 000 euroa