Pohjas-Karjala kuččuu sydämeči karjalazinnu olijoi omah kiirehettömäh kodih

Muakunduliitto on pannuh käymäh kampuanien uuzien eläjien suamizekse.

Yle Uudizet karjalakse
Mattolaituri Pielisenjoen rannassa Joensuussa.
Mattoloin pezendylauttu rannas Jovensuus.Jouki Väinämö / Yle

Pohjas-Karjalah kučutah-muanitetah uuzii eläjii uvven kampuanien vuoh.

Täl kerdua kyzytäh, voidasgo pohjaskarjalazet sanella muakunduliitole omis lähäzis da tuttavis, kelle pidäs muuttua Pohjas-Karjalah.

Muakunduliiton verkosivuloil on ankiettu, kuduah voit panna iččes lähäzen yhtevystiijot da sit hänelleh terväzeh tulou poštua. Yhteltiedy otat ozua arvondah, kuduas palkindonnu on junabilietät lähäzeh näh Pohjas-Karjalah da ildaine kogo joukole.

Mulloi keviäl pietyn mielikuvatutkimuksen mugah Pohjas-Karjalah muutandu kiinnittäy äijien mieldy, sendäh gu kiirehellizes muailmas eläjät tahtottas piästä hillembäh, rauhallizembah da tazapainohizmbah kohtah.

Muakunduliiton markinoičendupiälikkö Heli Räsänen juohattau, gu Pohjas-Karjalas olis avvonastu ruadopaikkuagi.

– Meil on läs 600 avvonastu ruadopaikkua da mahtuo piästä ruadamah kanzoinvälizelgi alal, ezimerkikse Abloyn da Mantsizen jyttyzien yrityksien kauti. On tulluh aigu sanella sih näh niilöile, ket ei tahtota viettiä kogo elostu kiirehellizes kohtas. Meil menestys miärätäh eloksenluavul, ga ei dengoil, sanou Räsänen.

Voit ottua ozua kampuanieh 1.3.2019 sah.

Pohjois-Karjala kutsuu maailmankarjalaisia kiireettömään kotiin