Kukastu kummua: ”koiru”, kuduan piästettih jiähizes jovespäi estounielazet miehet, oligi hukku

Vilus jovespäi pellastettu ižäččyhukku oli ylen pöllästynnyh da äijäl kylmänyh.

Yle Uudizet karjalakse
kuvakaappaus
Screenshot-kuva Pärnu Postimees -lehten internet-saitalpäiPärnu Postimees

Kolme estounielastu ruadoniekkua kummastui tiijustettuu, gu heijän jiähizes viespäi piästetty elättirukku ongi hukku, eibo koiru.

Miehet oldih ruadamas syvendysruadoloi Sindin plotinal Pärnujovel, konzu nähtih hädäh puuttunuon elätin, kudai ponnistelihes joves jiäpaloin keskes, sanelou Postimees-lehti (siirryt toizeh palveluh) (siirryt toiseen palveluun).

Miehile puutui piästiä elätti jovespäi rannale, kus hyö kiärittih sen vuarupaikkah da viedih mašinal lämmäh kohtah. Paikalline mečästäi kerras sanoi pellastajile, gu elätti ongi hukku, eibo koiru, kui net kolmei oldih duumaittu.

Nenga vuvven igähine ižäččyhukku oli ylen pöllästynnyh da äijäl kylmänyh. Jo suutkien peräs elätti oli toibunuh da se laskiettih välläle GPS-kaglus kaglas.

Arvivon mugah Estounies on 200 hukkua. Mulloi luonnonvardoičusjärjestöt iänestettih harmuanhukan kanzallizekse elätikse.

Virolaiset rakennusmiehet luulivat pelastaneensa jäisestä joesta koiran – eläin paljastuikin sudeksi