Lieksan peittokalastandudielo suudoh keviäl

Lieksalastu miesty ebäilläh zakonattomas kalastandas Pielizel. Hänen sualehennu oli äijy ylen varavonalastu järvi- da taimenlohtu.

Yle Uudizet karjalakse
Saimaan järvilohi.
Saimaan järvilohi.Anu Rummukainen / Yle

Lieksan peittokalastandudieluo ruvetah kaččelemah Pohjas-Karjalan paikallizes suvvos oraskuul.

Pagin on mulloi sygyzyl julgižuosgi äijän paistus tapahtukses, konzu lieksalastu miesty ruvettih ebäilemäh zakonattomas kalastandas. Silloi häi oli suannuh Pielizes kymmenii ylen varavonalazii järvi- da taimenlohii.

Päivännouzu-Suomen viärittäjänvirrasto on nostanuh viärityksen kalastusrikokses ebäiltyy miesty vastah. Moizes rikokses voit suaja štruafun libo kai kaksi vuottu tyrmiä.

Policien ezitutkindas kalaniekku on kiistänyh omua viäräžytty rikokses.

Suvvos tädä dieluo ruvetah kaččelemah oraskuun lopul (28.05.).

Lieksan kalastusrikos-epäilyt saivat runsaasti mediahuomiota ja poikivat jopa eduskunnassa kirjallisen kysmyksen hallitukselle.

Lieksan kalastusrikosdielo sai äijän huomavuo medies da sih näh parluamentas (siirryt toiseen palveluun)oli luajittu kai kirjalline kyzymys halličuksele.

Viärityksen nostamizes enzimäzenny saneli Lieksan Lehti.