Mibo elättilöi täs kuvas on? Policii sellittäy, ollougo hukku juoksendelluh Päivännouzu-Helsingis

Policii on työndänyh elätin da sen jälgilöin kuvat Suomen riistukeskuksele tunnistettavakse.

Yle Uudizet karjalakse
Epäilty susihavainto Itä-Helsingissä.
Helsingin poliisi

Policii sellittäy, ollougo Päivännouzu-Helsingin alovehel juoksendelluh hukku. Policiimiehet ičegi ollah äijän kerdua nähty sie hukan jyttysty elättii.

– Enzimästy kerdua hukan jyttysty elättii on nähty huondeksel Myllypuros, sanou Viipuri.

Helsingin policien yleisjohtai, komissuaru Timo Viipuri sanou, gu policii ajatti elättii, kudai juoksi kohti harvembazii eländypaikkoi Länsimäin čurah.

Viipurin mugah elätti oli varačču eigo ni tahtonuh ottua kontaktua ristikanzoih.

– Jälgimästy kerdua hukan jyttysty elättii on nähty harvazeh elätetyl alovehel Kehä kolmozen toizel puolel, sanou Viipuri.

Vie ei ole täytty varmuttu elätin lajis. Policii on kyzynyh dielon sellitysty Suomen riistukeskuksel, mih näh se on sežo kuvannuh elätin jället da työndänyh net kuvat tunnistandah niškoi.

– Ylen äijäl se koskihes hukkah, yhtelläh sanou Viipuri.

Helsingin poliisi: Itä-Helsingissä liikkunut eläin oli todennäköisesti susi