Kezäkse Kuopios avavuu kažikoufeilu

Koufeilu avavuu Puijonsarvi-hotellin vastalpäi olijah taloih.

Yle Uudizet karjalakse
Nuori kissa makoilee.
Mia Gertsch / Yle

Kuopios avatah kezäkse kažikoufeilu. Kažikoufeilas voit juvva koufeidu da silittiä välläl olijoi kažiloi.

Koufeilu avavuu Puijonsarvi-hotellin vastalpäi olijah taloih. Kohtu on kažiloile pädevy, sanou yrittäi Tiina Aaltonen.

– Se on ylen čoma kohtu, kus on puusto vieres. Kažit voijah kaččuo ikkunaspäi Snellmanan puustoh.

Kai kažit ollah Aaltozen omat. Monen vuvven aigua häi on ottanuh kodih äijän kažii, kuduat ollah oldu koittomat.

Iisalmespäi rodužin olii Aaltonen on hyväs mieles sit, gu kesäkse häi voibi tulla järilleh kodoilah. Ideju avata kažikoufeilu on olluh piäs jo hätken.

– Ezmäi tahtoin avata koufeilan milgi suarel, ga yhtelläh linnas vikse on parem.

Aaltonen pidäy jo kahtu kažikoufeilua Tamberel da Helsingis yhtes toizen kompanjonanke. Niilöi koufeiloi rahvas ylen suvaijah. Äijy kävijiä on olluh Savospäigi.

Kuopion koufeilas roih sežo taiduo.

– Taido hyvin pädöy, sendäh gu sit kohtas on jälgimäzenny sijainnuh taidogallerei.

Kažikoufeilu roih avvoi oraskuun keskivälis elokuun loppussah.

Kuopiossa avautuu kissakahvila kesän ajaksi