Putin talvi tulou järilleh vaigu muan keskičurih – lundu uskaldetah enäm 10 santimetrii

Röčän täh dorogat roitah ylen pahat.

Yle Uudizet karjalakse
Nainen kävelee lumisateessa.
Enimite muan keskičurih uskaldetah ezmäi röččiä da jällespäi lundu.Ismo Pekkarinen / AOP

Hos läs kogo muan on vallannuh kylmy ilmu, röččy da lumenpano, et voi paista talven järilleh tulendah näh ihan kogo muas.

Suvi-Suomes on vie sen verran lämmin, gu et tädä aigua järilleh tulluokse talvekse sanos. Vihmu da röččy muututah yöl lumenpanokse, ga lundu panou vaigu vähän.

Sen sijah muan keskičuris lundu kerävyy tulien yön aigua huondeksessah kai 10 santimetrii, nenga sanou Ylen meteoroulogu Anniina Valtonen.

Tossarren da kolmanpäivän välizel yöl lundu panou muan keskičuris viizi santimetrii ližiä.

Valtonen vakustau ylen pahois dorogois päivännouzupuoles. Yhtel aigua päivänlaskupuolizil merialovehil roih bauhuu.

Nedälinlopul lämmiä oli piäl 10 astehen, ga nygöi ilmu on vilustunnuh erähäh astehessah. Hos lämbötilan vaihtelendat ollah suuret, se yhtelläh on täl aigua ihan tavanmugaine dielo, kerduau Valtonen.

– Moine ilmu kuuluu keviän tulendah.

Grafiikka, johon on merkitty lumikertymät maanataista keskiviikkoon ajalla 8.-10. huhtikuuta.
Lumikerävöt ezmässarres kolmahpaivässäh 8.-10. sulakuudu.Yle

Takatalvi iskee kunnolla vain maan keskiosaan – lunta luvassa yli 10 senttiä