Juha Sipilä jättäy keskustan paginanvedäjän ruavon – ”Valličustulos ei anna muudu variantua”

Häi kirjuttau täs dielos omas blogas.

Yle Uudizet karjalakse
Juha Sipilä
Heikki Saukkomaa / Lehtikuva

Keskustan paginanvedäi Juha Sipilä sanou, gu häi jättäy keskustan paginanvedäjän ruavon. Sipilä kirjuttau sih näh omas blogas (siirryt toiseen palveluun).

Sipilä sanou, gu valličustulos ei anna hänelleh muudu variantua. Häi kirjuttau omas blogas, gu nygöi kerävynnyh puolovehhalličus piätti pidiä ylimiärähizen puolovehkerähmön, min oli ehoitannuh Sipilä iče. Kerähmös vallitah uuzi paginanvedäi 7. syvyskuudu. Häi sanou, gu jatkau paginanvedäjänny sih aigassah.

– Keskusta suau uvven allun. Puoloveh algau uvvistanduruavon da luadiu keskustale uvvistusprogramman. Puolovehen luja tulii aigu suau allun uvven paginanvedäjän väil, kirjuttau Sipilä.

Sipilän mugah keskustan valličustulostu paistah putilleh da nenga sit tiijustetah parem valličuksis voitetukse jiändän vijat.

Juha Sipilä jättää keskustan puheenjohtajuuden: "Vaalitulos ei jätä minulle mahdollisuuksia"