Lundu, röččiä da vihmua – ilmu on äijäl vilustunnuh

Suuri madalpaineh jiäy pyörimäh kogo Suomen piäle monekse päiviä.

Yle Uudizet karjalakse
Sää kylmenee – lunta, räntää ja vettä
Sää kylmenee – lunta, räntää ja vettä

Nygöi pidäy putilleh varustuakseh ottamah tagatalvie vastah. Pane vai alazet kädeh, šuapku piäh, šiippurengahat järilleh mašinah dai suksetgi oldahes kustahto lähäl.

Suves kylmetä voibi kymmeniezel astehel. Pohjanmual yöl ilmu vikse vilustuu nol’assah da Kainuus voibi pakastuakseh kai -6 sah.

Kainuuh, Koillismuale da Keski-Suomeh uskaldetah röččiä da lumenpanuo, päivännouzurajan lähäl lundu voibi panna kai enäm 30 santimetrii.

Vilu siä voibi pyzyö monien suutkien aijan da ezimerkikse piätteničäkse Ilmutiijon laitos andau varaitukset varoitukset (siirryt toizeh palveluh) (siirryt toiseen palveluun) ylen pahas dorogas kogo päivännouzupuolizes Suomes.

Ylen meteoroulogan Matti Huutozen mugah tagatalvi roih suuren da lujan madalpainehen täh, kudai tulou Suomeh päivänlaskupuolespäi, ga jiäy pyörimäh Suomen piäle monekse päiviä.

Lämbenemisty uskaldetah vaste suovatan vastazel yöl, konzu vihmat da röčät siirrytäh kohti Kuolan niemimuadu.

Tagatalvie ei pidäs pöllästyö, sendäh gu talven järilleh tuldendu täl aigua on enäm siändö, migu poikkevus. Toiči Iivananpiängi on röčännyh. Päivännouzu-Suomes tagatalvi on jo tämän keviän toine tämän kevään toinen.

Ainoshäi tagatalvi tulou vuottamattah, kerran jo olet harjavunnuh lämmih kevätilmoih. Meteoroulogan Huutozengi mugah nygöi on tavanmugastu vilumbi.

– Piätteniččän roih vilumbi, migu olettelou tavan mugah oraskuul. Muan keskičuris lämbötila päivälgi on nol’an mail, sanou Huutonen.

Nyt on hyistä: Takatalvi ottaa niskalenkin kevätkesästä – lunta tupruttaa jopa 30 senttiä