Himo iččenästymizeh rodih Walesasgi – brexit da kovat siästämizet ližätäh tahtuo sanuo ”proššai” Britaniele

Tuhanzii ristikanzoi kerävyi Cardiffas mielenozutukseh vuadimah eruondua Suures Britanies.

Yle Uudizet karjalakse
Mielenosoittajia Cardiffissa.
Cardiffan uuliččoi myöte astui mielenozutukses tuhanzii iččenäžyön kannattajii.Huw Evans / AOP

Brexit-haossah puuttunuos Suures Britanies nägyy endisty enäm merkii yhtenäžyön murenendas. Tahto iččenästymizeh jo ammussah oli lujannu Šotlandies. Pohjas-Irlandies varatah, gu tazavaldazien da lojalistoin vägivaldažuot voijah puhketa uvvessah. Nygöi Walesasgi nägyy kudamidägi merkii Yhtistynnyön kuningaskunnan ragoilendas.

Suovattan Cardiffas piettih tuhanzii ristikanzoi kerännyh mielenozutus iččenäžyön puoles. Mielenozutuksen organizuiččijoin mugah pagin on enzimäzes moizes Walesas pietys tapahtumas.

Mielenosoittajia Cardiffissa.
Vereksen mielipidehtiijustelun mugah 12 prosentua walesalazis kannattau iččenäžyttyHuw Evans / AOP

The Guardian -lehten mugah (siirryt toiseen palveluun) (siirryt toizeh palveluh) vuitti mielenozuttajis saneli, gu hyö ollah tugemas iččenästy Walesua kogo ijän, vuitti kiändyi sih ajatukseh vaste brexit-haosan da kovien julgizen talovuon siästämizien myödäh.

Mielenozutuksen lopus paissuon Plaid Cymru -puolovehen paginanvedäjän Adam Pricen mielesalovehen probliemat kebjiem olis reššie, luajitanneh piätökset Walesas.

– Westminster (Britanien parluamentu) vuozikymmenien aigua on jättänyh huolen alovehes pidämättäh da se on viennyh köyhyöh da vajavih investiiruičendoih. Kolmasvuitti lapsis eläy läs köyhyös. Pidäy vai kačahtuakseh brexit-haossua, tahtonet nähtä, gu Westminster ei päi halliččemah libo evustamah Walesua, tovendi Price.

KUVA: Organizuiččijoin mugah iččenäžysmielenozutus oli enzimäine moine tapahtumu Walesas. Kuva: Huw Evans / AOP

Mielenozutuksen organizuinnuon All Under One Banner Cymrun tiijoittai Llywelyn ap Gwilym sanou WalesOnlinen pagizuttelus (siirryt toiseen palveluun) (siirryt toizeh palveluh), gu pagin Walesan azemas on kiihtynyh sen jälles, konzu Britanii piätti kanzaniänestykses erota EU:s.

EU-kanzaniänestykses eruondua kannatti 51,9 prosentua da vastusti 48,1 prosentua walesalastu. Cardiffas EU-eruondan kannattajua oli 40 prosentua da vastustajua 60 prosentua.

Tv-kanualan ITV:n jullatun mielipidehtiijustelun (siirryt toiseen palveluun) (siirryt toizeh palveluh) mugah 12 prosentua walesalazis kannattau iččenäžytty.

Itsenäistymishalu heräsi Walesissakin – brexit ja kovat säästöt lisäävät intoa sanoa hyvästit Britannialle