Yläškolaniekat uskotah, gu luvendumaltol roih merkičysty tuliel aigua

Luvendumalton ližäkse nuoret mainittih pehmiet arvot.

Yle Uudizet karjalakse
Seiskaluokkalainen lukee kirjaa äidinkielen tunnilla.
Juha Kemppainen / Yle

Yläškolaniekat pietäh luvendumaltuo moizennu dielonnu, kudual roih tärgei rouli tuliel aigua. Nenga sanou 70 prosentua Lapsien da nuorien fondan kyzelyh vastannuzis nuoris.

– Julgizes paginas on oldu huolevuttu enimite nuorien lugemizes da luvendumaltos. Yhtelläh iče nuoret tässäh ei oldu piästy sanomah omii mielii sit dielos, nenga sanou fondan Read Hour(siirryt toizeh palveluh) –kampuanien projektupiälikkö Hanna Koskenkangas.

Luvendumalton ližäkse nuoret mainittih sežo pehmiet arvot, kudamii lugemine lujendau. Fondan tiijoittehes tovendetah, gu lugemine lujendau empatiimaltuo da kriittisty ajattelendua sego ližiäy nuorien sanavarastuo.

Fondan kyzelyh vastai enäm 4 300 yläškolaniekkua.

– Nuorien mieles ei ole nimittustu merkii sit, gu lugemizen merkičys vähenis tuliel aigua. Nygözes paginas olis hyvä korostua, gu luvendumalto on suuri tulien aijan malto, sendäh gu ilmai putillistu luvendumaltuo nuorele roih jygiembi tulla toimeh yhteskunnas, sanou Koskenkangas.

Read Hour -kampuanien vuoh viritetäh suomelazet lugemah. Tembavus korgonou YK:n kanzoinvälizenny luvendumaltopäivänny pyhänpiän.

Yläkoululaiset uskovat lukutaidolla olevan merkitystä tulevaisuudessa