Nedälinlopul Berliinan zooparkas ollah roittuhes harvinazet pandakaksiezet

Poigazet painettih roites vaigu 136 da 186 grammua.

Yle Uudizet karjalakse
Pandakaksoset syntyivät Berliinin eläintarhassa 31. elokuuta.
Pandakaksiezet ollah roittuhes Berliinan zooparkas 31. elokuudu.AFP

Berliinan zooparkan Meng Meng -panda on suannuh kaksiezet, nenga saneli zooparku ezmässargen Twitteras (siirryt toiseen palveluun) (siirryt toizeh palveluh).

– Meng Meng on nygöi kaksiezien muamo. Olemmo ylen ozakkahat, twittai zooparku.

Panda sai poigazet suovattan.

Pandoin kaksiezet roitah ylen harvah. Pandapoigazien sugupuolii vie ei ole sanottu, ga painoh näh tieduo on: pikkarazet pandazet painettih roites 136 da 186 grammua.

Meng Meng da Jiao Qing tuldih Kitaispäi heinykuul 2017. Kerran net ollah laihinakse otetut, niilöin jälgeläzet pidäy viijä Kitaih nellän vuvven peräs vieraitandas.

Kitaile zooparku maksau pandois enäm 13 miljonua euruo.

Pandua Kitais eläy välläl vajuat 1 900. Eri zooparkois ymbäri muailmua pandua on nenga nellisadua.

Berliinin eläintarhassa syntyi viikonloppuna harvinaiset pandakaksoset