Suomi vallittih parahakse luondomatkukohtakse

Verdailus oli enäm sadua muadu.

Yle Uudizet karjalakse
Karhu Kuhmossa 22. heinäkuuta
Karhu Kuhmossa 22. heinäkuuta.Anni Reenpää / Lehtikuva

Suomi on vallittu vuvven 2019 parahakse luondomatkukohtakse, nenga sanou matkailukirjoi ilmahpiästäi Lonely Planet (siirryt toiseen palveluun) (siirryt toizeh palveluh).

Arvivo pohjavuu britanielazen l’uks-matkoin organizuiččijan True Luxury Travel -matkutoimiston kanzoinvälizeh The Global Wildlife Travel Index for 2019 (siirryt toiseen palveluun) (siirryt toizeh palveluh) -verdailuh.

Suomi nouzi verdailun korgevimale sijale piäl suan muan joukos. Arvivon mugah Suomi on paras luondokohtu ymbäristön kestävyön, ainavoluaduzen da monimuodozen elättilajiston, čomien luonnonmaizemien dai hyvän luonnonvardoičuksen täh.

Suomen čökkehii nosti paiči muudu se, gu piäl 73 prosentan muan pindualas on mečän peitetty.

Täs verdailun kymmene parastu muadu:

1. Suomi

2. Ruočči

3. Brazilii

4. Kanada

5. Yhtysvallat

6. Norvegii

7. Ispuanii

8. Germuanii

9. Pol’ša

10. Slovenii

Tänä vuon True Luxury Travel iče valličči parahan luondomatkukohtan tostu kerdua. Lonely Planetan mugah (siirryt toiseen palveluun) (siirryt toizeh palveluh) mulloi enzimäzele sijale piästih Yhtysvallat. Suomi oli silloi vaste 31.

Enzimäzenny täs tiemas saneli Iltalehti (siirryt toiseen palveluun)(siirryt toizeh palveluh).

Suomi valittiin maailman parhaaksi luontomatkakohteeksi