Ven’ah kuulujas Udmurties 79-vuodehine sociologu Albert Razin tapoi oman ičen poltamal

Razin sanoi julgi, gu kuolou tänäpäi, kuoltaneh hänen kieli da kul’tuuru huomei.

Yle Uudizet karjalakse
Kuvakaappaus Udm-info sivustolta
Kuvakaappaus Udm-info sivustolta.Udm-info sivusto

Kuulužu udmurtalaine sociologu Albert Razin sytytti oman ičen palamah Iževskas hallindodvorčan ies, nenga sanotah paikallizis verkolehtilöis. Hänen plakuatas oli kirjutes: ”Kuoltaneh minun kieli da kul’tuuru huomei, sit minä voin kuolta jo tänäpäi.”

Suomesgi tundiettu Razin oli yksi udmurtalazis intellektualois, kuduat oldih udmurtan kielen opastandan puoles. Kanzallizien kielien vältämätöi opastandu on loppiettu Ven’al eräs vuozi tagaperin.

Suomelas-ugrilazen kielentutkimuksen professoru Janne Saarikivi juohattau Facebook-postas, gu ”nimidä tämän jyttysty enne ei ole suomelas-ugrilazes muailmas tapahtunnuh.”

Udmurtien tazavaldu sijaiččou Ven’al, nenga tuhat kilometrii Moskovaspäi päivännouzučurah. Sen eläjis vajai kolmasvuitti on udmurtoi, kudamien kieli kuuluu suomelas-ugrilazih kielih.

Lähtehinny on käytetty verkolehtilöi "idelreal" da "UDM-info".

Venäjään kuuluvassa Udmurtiassa 79-vuotias sosiologi Albert Razin teki polttoitsemurhan – vetosi suomalais-ugrilaisen äidinkielensä puolesta