Pirkanmual ruavottomus suureni, muijal pieneni

Ruavottomien miäry kazvoi mennyt vuvven samazes aijas läs 400 hengel. Ely-keskuksen mugah Pirkanmuan suundu on poikkevuksennu kogo muan kehitykses.

Yle Uudizet karjalakse
Kuluneet työrukkaset lojuvat nurkassa.
Pohjas-Karjalan ruavottomus iellehgi on muan korgevin. Hyvä on se, gu hätken ruavottah olijoin miäry muakunnas oli elokuun lopul 27 prosentua pienembi, migu vuozi tagaperin.Jouni Tanninen / Yle

Pirkanmuan ruavottomus on kiändynyh kazvandan čurah. Ruavottomua ruavoneččijiä elokuul oli läs 22 000 libo nenga nellisadua enäm, migu vuozi tagaperin.

Ruavottomusasteh oli tazah 9, vuozi tagaperin 8,9. Tamberel ruavottomus suureni, ga ezimerkikse Manttä-Vilppulas da Punkalaitumel se pieneni.

Ely-keskuksen mugah Pirkanmuan kehitys oli heikombi, migu kogo muas. Vijakse keskus arvivoi sen, gu kundovuttajas ruadotoimindaspäi nygöi on tuldu järilleh ruavottomuoh, ga ei ruadoh.

Pirkanmaalla työttömyys kasvoi, muualla pieneni