400 kilomehtera mátki riegádahttit

Áŋŋellaš eatni mátki rávvehahkii lea čuođi kilomehtera ovtta guvlui. Riegádahttinbuohccevissui lea njealje geardde guhkit mátki.

Ida Pirttijärvi vuordá mánás riegádit skábmamánus. Son orru Áŋŋela gilis Anáris oarjjás. Lagamus riegádahttinbuohcceviessu lea Roavvenjárggas.

Davvi-Suomas nissoniid rávvejit vuolgit áiggil lagabui buohcceviesu. Ida áigu vuordit riegádahttima vánhemiiddis luhtte Pellos.

Mielde vuolgá maiddái vuosttaš mánná Jovnna, guhte lea gahčahan smávva Áŋŋela gili gaskaagi garrasit.

Skábmamánnu lea Muotkeduoddara bálgosis hohppos gárddástallanáigi, iige guoibmi soaitte geargat mielde čakčamáná riegádahttimii.

Máŋgasat leat spivkamielain imaštallan, ahte eahppigo doai veháge smiehttan boazobargguid?

Ida Pirttijärvi

Ida merke beaivválaččat varradeattu elektrovnnalaš rávvehatkortii. Mátketelefovnnas lea njuolggonummár dearvvašvuođadivššárii.

Dovddan, ahte mus leat atnán buori fuola.

Ida Pirttijärvi

Jus Áŋŋelis boahtá hohppos vuolgga, njuike Avvilis jorddamovrra mielde. Lávkkas lea sávzzanáhkki, mainna ligget máná, jus son riegáda mátkki alde.

Jus nu dáhpáhuvašii, de luohtán dasa, ahte min jorddamovrra máhttá dahkat rivttes áššiid. Dan veardde lea sus vásáhus.

Ida Pirttijärvi

Ii dat guhkes mátki leat makkárge stállu. Eanet mii hállat das, gos Roavvenjárggas sáhttá orrut ja mo doppe loaktá.

Ida Pirttijärvi

Jus buohcceviesu lahkosis eai oro oahppásat, molssaeaktun orrumii lea Lappi guovddášbuohcceviesu pasieantahotealla dahje Airbnb-vistti láigoheapmi.

Lappi guovddášbuohcceviessu dárbbaša jo spiehkastatlobi, danin go doppe riegádit vuollel duhát máná jahkásaččat. Jus lohpi ii livčče, Ida lagamus riegádahttinbuohcceviessu livččii Oulus.

Ida ii vel dieđe, goas son máhccá riegádahttinreaissus. Gárddástallamat ja daid maŋŋebarggut bistet ruovttus Áŋŋelis moadde mánu.

Mii leat dás bohkosan, ahte várrahan dat guoibmi viežžá min juovllaide ruoktot.

Ida Pirttijärvi

Dát artihkal lea oassi stuorát ollisvuođa.

Ollisvuhtii gullet 18 máidnasa, mas olbmot miehtá Suoma muitalit iežaset vásáhusaid Suoma dearvvašvuođadivššus. Dán liŋkkas beasat lohkat suomagillii buot dán ollislašvuođa artihkkaliid.

Tekijät

Teksti

Annu Passoja

Teksti

Inger-Elle Suoninen

Kuvat

Vesa Toppari

Julkaistu 15.10.