Japounies jatkutah ečindy- da kabrastusruavot Hagibis-taifunan jälles – Kuolluzien miäry suurenou

Vähimyölleh 66 hengie on kuolluh da 15 on viegi kavoksis. Piäministru vakustau hätken kestäjis talovusvaikutuksis.

Yle Uudizet karjalakse
Nainen katsoo taifuunin aiheuttamaa tuhoa asuinalueella Naganossa.
Taifunan täh roinnuttu vahinguo Naganos Japounies.Kazuhiro Nogi / AFP

Japounies hengih jiännyzien löydämine Hagibis-taifunan jälles ozutahes toivottomembakse. Tossargen ečindyruavot jatkutah jo kolmattu päiviä.

Viizitostu hengie iellehgi on kavoksis Japounien keski- da päivännouzučuris suuren vezibauhun jälles. Ečindöin aigua on löytty 66 kuolluttu.

Pellastusruaduo ruadamas on 110 000 policiimiesty, rannikkovardoiččijua, palomiesty da saldattua.

Suovattan Japounieh iškenyön bauhun täh 138 000 taloidu on viegi ilmai vientuluo da 24 000 talois ei ole sähkyö.

pelastustyöntekijät pumppaavat vettä pois tulva-alueelta Naganossa.
Pellastusruadajat pompatah iäres vetty taifunan jälles Naganon alovehel tossargen.AFP

Enäm kuolluttu bauhun täh on Tokion pohjasčuras sijaiččijas Fukušiman prefektuuran alovehel, kus Abukomajogi äijäl nouzou piäliči randoi. Taifun oli iškenyh enimite yöl äijien eläjien vuottamattah.

Japounien piäministru Shinzō Abe vakustau, gu vezibauhun täh roinnuot talovehellizet vaigevuot voijah nägyö vie hätken.

• Halličus luadiu kaiken, gu vai katastroufan täh muokattuhes rahvas voidas mahton mugah teriäm ruveta elämäh normalielostu, sanoi Abe parluamentan komissiele.

Lähtehet: AFP, AP, REUTERS

Japanissa jatkuvat etsintä- ja raivaustyöt taifuuni Hagibisin jäljiltä – Kuolonuhrien määrä nousee