Jovensuun opastujien restoranois iellehgi voit syvvä lehmänlihua

Päivännouzu-Suomen yliopiston restoranat ei oteta ezimerkii Helsingin syöndykohtis da iellehgi taritah lehmänlihua.

Yle Uudizet karjalakse
kasvissalaatti jossa falafelpullia
Kazvossyömizen ilmastovaikutus on pienembi, migu lihahizen.AOP

Päivännouzu-Suomen yliopiston restoranois ei olla täyzin kieldävymäs lehmänlihas.

Helsingin yliopiston restoranat ollah piätetty heittiä lehmänlihan varustamizen da vaihtua sen tuliel aigua ezimerkikse kazvoksih.

Päivännouzu-Suomen yliopiston murginois vastuajas Fazer Food Service Oy:s sanellah, gu ruskien lihan käyttö vähenöy, ga lehmänlihas yhtelläh ei kieldävytä.

Kazvossyömizen vuitti liženöy dai kagrahistu roih tarittavakse enäm.

Päivännouzu-Suomen yliopiston Jovensuun kampuksel Helsingin yliopiston restoranoin piätös kieldävyö lehmänlihas ei jiännyh huomuamattah, da paginua sih näh rodih eriluadustu.

– Minun mieles tiä varustetah ylen hyviä kazvossyömisty, sendäh en ni duumainnuh, gu taričendu kuitahto äijäl muuttus sit, sanou Tiina.

– Eibo se minus nimidä mostu viritä. Syön kui lihahistu, mugai kazvossyömisty. Ainoshäi on syödy sidä, midä on tarittu, tovendau Susanna.

Joensuun opiskelijaravintoloissa tarjoillaan yhä naudanlihaa