Luke: Tenol paha lohivuozi – piendy lohtu oli vähä

Min periä piendy lohtu oli vähä, ei tietä.

Yle Uudizet karjalakse
Deanus goddon goadjin.
Luke ei malta sanuo, mis rippuu pienen lohen vähys.Kaija Länsman / Yle

Kavvel 2019 Tenoh nouzi ylen vähä lohtu, nenga sanou Luonnonvarakeskus (Luke).

Luken kaiguluottukačondoin mugah Tenojoven nouzulohien miäry oli vai 21 000, konzu iellizel vuvvel niidy čotaittih piäl 32 500. Mugaže Inarijoven nouzulohien miäry pieneni vuvves 2018 läs puolessah da se oli nygöi vajuat 1600 kalua.

Luken mugah enimite pienien, yhten vuvven meres viettänyzien lohien miäry oli vähennyh. Pienet lohet tavan mugah muvvostetah selgiehgi suuriman vuitin Tenojogeh nouzijois lohis, ga tänä vuon niilöin miäry oli ylen pieni.

Pienien lohien vähytty nähtih sežo Tenon toizisgi lohilugulois pindučukelduksien da videokačondoin aigua vezien eri čuris. Luke ei malta sanuo, mindäh piendy lohtu on vähä. Yhtelläh arvivoijah, gu se viga yhtyy mereh puuttunuzien kalanmaimazien hengihjiändäh meriuidamizien aigua.

Luke: Tenolla kehno lohivuosi – pikkulohia oli vähän