Ruavottomus Pohjas-Karjalas pyzyy 12 prosentan kohtas

Ruavottomua on enäm tohmajärveläzien, ilomančilazien, juugalazien da oudokumbulazien keskes.

Yle Uudizet karjalakse
Vapon aktiivihiilitehtaan työmaa Ilomantsissa.
Vapon aktiivuhiilizavodas vuotetah merkittäviä ruavonandajua Ilomančin čural.Heikki Haapalainen / Yle

Jälgimäzien kuuloin aigua Pohjas-Karjalan ruavolližustilandehes ei ole roinnuh suurdu muutostu.

Ely-keskuksen statistiekois ruavottomusprosentu on azetunnuh 12 kohtah.

Ligakuun lopul muakunnas oli 8 726 ruavottomua ruavoneččijiä. Ruavottomua on enäm tohmajärveläzien, ilomančilazien, juugalazien da oudokumbulazien keskes.

Kaikkien ruavottomien miäry väheni vuozi tagaperin olluos 304 hengel. Hätken ruavottah olijua nygöi on 21 prosentua vähem, migu vuozi tagaperin.

Ruavottomien ruavoneččijöin vuitti ruadoväis Pohjas-Karjalas iellehgi on muan suurin.

Työttömyys pysyy Pohjois-Karjalassa 12 prosentin pinnassa