HS: Monien suomelazien mugah demokruatois piäministrakse parem pädis Sanna Marin

Antti Lindtman sai 12 prosentan kannatuksen Helsingin Sanomien kyzelys.

Yle Uudizet karjalakse
Sanna Marin
Sanna MarinJussi Nukari / Lehtikuva

Kolme kymmenes suomelazes tahtos Sanna Marinua demokruatoin puolovehespäi tuliekse piäministrakse Antti Rindien jälles, nenga sanou Helsingin Sanomien kyzely(siirryt toizeh palveluh) (siirryt toiseen palveluun).

Lehten kyzelys sai vallita paras nimettylöin SDP:n poliitiekoin joukospäi. Kyzely piettih tossargen.

Eero Heinäluoma, Antti Lindtman da Jutta Urpilainen suadih kudaigi 12 prosentan kannatuksen.

Ližäkse Tuula Haatainen, Timo Harakka, Ville Skinnari da Tytti Tuppurainen suadih čökehvoittuo. Viijesvuitti ei maltanuh sanuo, ken olis paras piäministrakse.

Liikendeh- da viestindyministru Marin sego SDP:n parluamentujoukon paginanvedäi Lindtman ollah ilmoitettuhes ehoitettuloih piäministrakse.

Kyzelyn todevutti Kantar TNS. Hairavovuitti on läs 2,3 prosentuyksikkyö čurah libo toizeh.

HS: Suomalaisten suosikki demaripääministeriksi on Sanna Marin